Wild Dances

«Wild Dances»
Singl — Ruslana
«Wild Dances» albomınan
B-tárepi	Hutsul Girl
Shıǵarılǵan sánesi	2004-jıl 17-may
Uzınlıǵı	3:00
Leybl	EMI
Qosıq avtorı	Oleksandr Ksenofontov; Jamie Maher; Ruslana Lyzhychko; Michael Fayne; Sherena Dugani; Yuliya Rai;
Kompozitor	Ruslana Lyzhychko
Prodyuser	Oleksandr Ksenofontov; Ruslana Lyzhychko;
Xronologiyası

«Wild Dances» — ukrain qosıqshısı hám avtorı Ruslana tárepinen kompoziciya etilgen hám jazıp alınǵan qosıq. Onıń sózleri Ruslana, Oleksandr Ksenofontov, Jamie Maher, Michael Fayne, Sherena Dugani hám Yuliya Rai tárepinen jazılǵan. Ol Istanbulda ótkerilgen Evrovidenie qosıq tańlawı 2004te Ukrainanı sáwlelendirip, mámleketke tańlaw tariyxındaǵı birinshi jeńisti alıp keldi. «Wild Dances» keyinirek singl retinde shıǵarıldı hám Flandriya menen Greciya xit-paradlarında birinshi orındı iyeledi.

Jaratılıwı

Koncepciyası

«Wild Dances» Ruslana tárepinen kompoziciya etilgen hám jazıp alınǵan, sózlerin bolsa ózi, Oleksandr Ksenofontov, Jamie Maher, Michael Fayne hám Sherena Dugani tárepinen jazılǵan^[1]. Qosıq ústindegi jumıslar úsh ayǵa shamalas dawam etken. Redaktorlaw hám dawıstı injenerlik etiwdi Ruslana Kiev, London hám Nyu-York qalalardaǵı qánigeler menen birgelikte atqardı. Jazıw procesi «Cool Before» toparınıń gitarashısı hám Zdob și Zdub toparınıń burınǵı trubashısı menen birgelikte ámelge asırıldı. Qosıqtıń ukrainshe hám inglisshe tekstleri, sonday-aq, onıń kiyimi hám melodiyası baslanǵısh basqıshqa salıstırǵanda sezilerli ózgerislerdi basınan keshirdi. Ol «Dyki tantsi» (ukrain: "Дикі танці") dep atalǵan ukrain tilindegi versiyasın tek Ukraina hám Rossiyada shıǵardı.

Tańlaw

2004-jılı 23-yanvarda Ukraina milliy teleradiokompaniyası (NTU) Evrovidenie qosıq tańlawınıń 49-shıǵarılıwına wákil retinde Ruslananı ishki tańlaw arqalı tańlaǵanlıǵın xabarladı^[2]. 2004-jılı 28-yanvarda NTU «Wild Dances» qosıǵı Evrovidenie ushın Ukrainanıń tańlaw qosıǵı bolatuǵının járiyaladı^[3].

Muzıkalıq video

Rásmiy muzıkalıq video túsiriwi muz sarayınıń taslandıq imaratında súwretke alındı. Ruslananıń topar aǵzaları bul jerdi «Aysberg sarayı» dep atadı, sebebi Ruslana alıp kelgen heshqanday jılıtıw ásbabı bul úlken imarattaǵı salqın hawanı qolaylı dárejede jılıta almadı. Imarat beton hám aynasız edi. Videoklip scenariyinde úlken bochkalarda úzliksiz janatuǵın ot, saxnada otlar, pirotexnika hám, hátte, haqıyqıy áskeriy ot shashqısh (ognetushitel) qollanıw kózde tutılǵan bolsa da, tek «Wild Dances» qosıǵı ǵana adamlarǵa jılıwǵa járdem bergen^[4]^[5]. Video birinshi ret 2004-jılı 6-mayda MTV Russia telekanalındaǵı «12 Angry Viewers» shousında kórsetildi, biraq auditoriya onı kemsitti^[6].

Derekler

↑ «2004 Ukraine». The Diggiloo Thrush.
↑ Polishchuk, Tetyana «Руслана замахується на «Євробачення-2004»» (uk). day.kyiv.ua (23-yanvar 2004-jıl). Qaraldı: 8-sentyabr 2022-jıl.
↑ Bakker, Sietse «Ukrainians send Ruslana Lyzhicko to 2004 contest». Esctoday (29-yanvar 2004-jıl). Qaraldı: 8-sentyabr 2022-jıl.
↑ «Ось вам, бусурманцi, нашi «Дикi танцi»» (uk). umoloda.kyiv.ua. Qaraldı: 24-iyun 2025-jıl.
↑ «Руслана "Дикі танці". Знакові українські кліпи» (uk). Tochka.net. Qaraldı: 24-iyun 2025-jıl.
↑ «News of the Eurovision Song Contest 2004.». www.eurosong.ru.

Sırtqı siltemeler

Úlgi:Discogs master
Belgiya 2004 jıllıq xit-paradı 11-mart 2007-jıl sánesinde Wayback Machine saytında arxivlendi.
Wild Dancestiń joqarı orınları

Ótmishlesi: «Everyway That I Can» (atqarıwshı: Sertab Erener)	Evrovidenie qosıq tańlawı jeńimpazları 2004	Miyrasxorı: «My Number One» (atqarıwshı: Helena Paparizou)

[1] «2004 Ukraine». The Diggiloo Thrush.

[2] Polishchuk, Tetyana «Руслана замахується на «Євробачення-2004»» (uk). day.kyiv.ua (23-yanvar 2004-jıl). Qaraldı: 8-sentyabr 2022-jıl.

[3] Bakker, Sietse «Ukrainians send Ruslana Lyzhicko to 2004 contest». Esctoday (29-yanvar 2004-jıl). Qaraldı: 8-sentyabr 2022-jıl.

[4] «Ось вам, бусурманцi, нашi «Дикi танцi»» (uk). umoloda.kyiv.ua. Qaraldı: 24-iyun 2025-jıl.

[5] «Руслана "Дикі танці". Знакові українські кліпи» (uk). Tochka.net. Qaraldı: 24-iyun 2025-jıl.

[6] «News of the Eurovision Song Contest 2004.». www.eurosong.ru.

[1]

[2]

[3]

[4]

[5]

[6]