Xalıqaralıq tennis federaciyası
Xalıq aralıq tennis federaciyası (XTF) - házirgi kúndegi 190 nan aslam ellerdiń milliy federaciyaların biriktiriwshi dúnya júzilik tennistiń baslı shólkemi.
Xalıq aralıq tennis federaciyasınıń shtab jayı Londonda jaylasqan.
XTF óziniń iskerlik tásiriniń kóleminde házirgi waqıtta tennislik kalendarı boyınsha tórt iri chempionatlardı óz ishine aladı, "Úlken shlem" (Uimbldon turniri hám AQSh, Franciya, Avstraliyalardıń ashıq chempionatları).
Federatsiya kubogi (hayal-qızlar arasında) hámde rásmiylestirilmegen dúnya júzlik komandalıq birinshilik - Devis kubogin, olimpiadalıq tennis turnirların, Dúnya júzlik jaslar kubogi (World Youth Cup by NEC) hám jaslardıń dúnya júzlik chempionatı NTT (NTT World Tennis Event).
XTFnıń birden-bir tiykarǵı wazıypası tennis qaǵıydalarınıń durıs orınlawın baqlap barıw, jetilistiriw hám tayarlaw bolıp esaplanadı.
Tariyxı
[redaktorlaw | derekti redaktorlaw]Amerikalı Dyuen Uilyams 1911-jılı birlesken dúnya júzlik tennis shólkemin qurıw haqqindı eń birinshi bolıp óz pikirin bildirdi. Sol waqıtları Frantsiyalıq tennis federatsiyasınıń prezidenti Anri Vallet hám Shveytsariyanıń tennis assotsiatsiyasınıń húrmetli xatkeri Sharl Bardlar amerikalınıń pikirin júdá qızǵın qollap quwatladı.
1913 jılı Parijda xalıq aralıq Laun-tennis federatsiya dúzildi (XLTF: 1977 jılı XTF bolıp ózgertildi). Tilekke qarsı, Dyuen Uilyams "Titanik" reysinde qaza tapqan edi, sol ushın tiykar salıwshı kongreste qatnaspadı.
Sonıń menen qatar 12 elden kelgen delegatlar ishinde AQShtan wákil bolmadı.
Milliy Federatsiyalarınıń 12 el wákilleri - Avstralaziya (Jańa Zelandiya hám Avstraliyalarınıń birlesken federatsiyası), Avstriya, Belgiya, Rossiya, Shveciya, Shveytsariya, Frantsiya hám Qubla Afrikalılar taza shólkemniń tiykarın salıwshı hújjetlerge qol qoyıstı.
Sol waqıttan berli XTF sı tennisti rawajlandırıw hám en jaydırıw jolında dúnya júzinde eń iri hám kúshli sportlıq shólkem bolıp qaladı.