Xan talasıw

Xan talasıw — qaraqalpaq  oyını.

Oyınnıń tártibi

Tórt bala taza, ashıq jerge ortalarınan orın qaldırıp, bir-birine qarama-qarsı otıradı. Oyın baslawshı bala bir qısım asıqtı ortaǵa shashıp juberedi. Ekinshi bala shashılǵan asıqtiń arasınan bir asıqtı tańlap alıp xan saylaydı. Oyındı baslaǵan birinshi bala xannan basqa asıqlardıń alshı túskenin alshıǵa, tayesin, tayege pógin pógine, shógin shóginine ara qashıqlıǵınıń  jaqınlıǵına qaray kórsetkish barmaǵı menen iyterip urıp  bir-birine tiygizedi. Tiygizse tiygen bir asıqtı ózi aladı. Alǵan asıqların har bala oyınnıń aqırına shekem saqlaydı. Usılay etip kim kóp asıq jıynasa, sol bala jeńiske erisken boladı. Ílaqtırǵan asıǵın gózlegen asıǵına tiygize almasa yamasa basqa asıqqa tiygizse, ásirese xan dep belgilengen asıqqa tiygizip alsa, basqa bala oyındı dawam ettiredi. Ílaqtırǵan asıqları xanǵa tiyip ketse, onda oyınǵa qatnasıwshı balalar tumlı-tustan talasıp, asıqtı bólisip aladı. Kim kóp asıq alsa, sol jeńiske erisken bolıp esaplanadı.