Xifumi Abe
| Xifumi Abe | |
|---|---|
 Hifumi Abe 2018-jılı | |
| Jeke maǵlıwmatları | |
| Jınısı | erkek |
| Puqaralıǵı |  Yaponiya |
| Tuwılǵan sánesi | 1997-jıl 9-avgust |
| Boyı | 1.67 m |
| Sport | |
| Sport túri | Dzyudo |
| Klubı | Park24 |
| Trener(ler)i | Satoru Ebinuma, Kosey Inoue |
Xifumi Abe (yaponsha: 阿部一二三; 1997-jıl 9-avgust, Kobe) — yaponiyalı dzyudoshı, 5 dzyudo danası iyesi, 66 kilogrammǵa shekemgi salmaq kategoriyasında 4 márte jáhán chempionı. -66 kg salmaq kategoriyasında eki márte Olimpiada chempionı (2020 hám 2024-jıllar). 2020-jılǵı Olimpiada chempionı Uta Abenıń ájaǵası.
Biografiyası
[redaktorlaw | derekti redaktorlaw]Ol dzyudo menen shuǵıllanıwdı 6 jasında Hyogo Boys Kodamakaida dzyudo boyınsha jarıslardı televizorda kórgenligi sebepli baslaǵan[1].
Abe 2014-jılı 18 jasqa shekemgi hám 2014-jılı Fort-Loderdeyli qalasında 21 jasqa shekemgi jaslar arasında ótkerilgen jáhán chempionatında eki gúmis medalın qolǵa kirgizgen. Birneshe hápte ótkennen keyin, sol jılı ol London Olimpiadasınıń bronza medalı iyesi hám úsh márte jáhán chempionı Masashi Ebinumanı jeńip, Dzigoro Kano kubogın qolǵa kirgizip, óziniń dáslepki iri xalıqaralıq turnirinde jeńimpaz boldı.
2016-jılı Yaponiya chempionatında ol yarım finalda Masashi Ebinumani jáne jeńip, chempionlıqtı qolǵa kirgizdi. Usı jeńiske qaramastan, Rio-de-Janeyrodaǵı Olimpiada oyınlarında Yaponiya bayraǵın qorǵaw ushın Masashi Ebinuma saylandı[2]. Iyul ayında Abe Tyumendegi jańa «Úlken dubulǵa» turnirinde jeńimpaz boldı hám jıl aqırında Jigoro Kano kubogin qolǵa kirgizdi.
2017-jıldıń fevral ayında Parijde ótkerilgen turnir tariyxındaǵı eń jas jeńimpaz boldı.
2017-jılı Budapeshtte ótkerilgen jáhán chempionatında ol barlıq qarsılasların jeńip, altın medaldı qolga kirgizedi[3]. Jıl aqırında ol Jigoro Kano kubogında úshinshi márte jeńimpaz boldı.
2018-jılı ol Ekaterinburgtaǵı «Úlken dubulǵa»da jeńimpaz boldı[4] hám keyin 2015-jıldan berli birinshi márte Zagreb Gran-prisinde mongol sportshısı Altansuxi Dovdonga jeńildi.
2018-jılı Bakude ótkerilgen jáhán chempionatında finalda 66 kilogrammǵa shekemgi salmaq kategoriyasında óziniń barlıq bellesiwlerinde jeńiske erisip, jáhán chempionatında ekinshi altın medaldı qolǵa kirgizgen[5].
2019-jılı Tokioda ótkerilgen jáhán chempionatında bronza ushın bellesiwde italiyalı sportshı Manuel Lombardonı jeńip, bronza medalın qolǵa kirgizdi.
2021-jılı Tokio oyınlarında Olimpiada chempionı boldı.
2023-jıldıń may ayında Qatar paytaxtında ótkerilgen jáhán chempionatında 66 kilogrammǵa shekemgi salmaq kategoriyasında yaponiyalı dzyudoshı finalda jerlesimi Dzyosiro Maruyamani jeńip, chempion boldı.
2024-jılı Parijde ótkerilgen jazǵı Olimpiada oyınlarında 66 kilogrammǵa shekemgi kategoriyada Olimpiada altın medalın qolǵa kirgizip, eki márte Olimpiada chempionı boldı. Finallıq bellesiwde ol braziliyalı qarsılası Vilyam Limunı jeńip shıqtı.
2025-jıldıń iyun ayında Budapeshtte ótkerilgen jáhán chempionatında 66 kilogrammǵa shekemgi salmaq kategoriyasında bronza medalın qolǵa kirgizgen. Úshinshi orın ushın bellesiwde kubalı Orlando Polanko qarsılasın jeńip shıqtı[6].
Yaponiya sport ilimiy universitetiniń jawıngerlik ónerleri fakultetin tamamlaǵan. 2019-jılı «Asahi TV» telekanalınıń úlken sport jetiskenlikleri ushın arnawlı sıylıǵı hám Kobé arnawlı sport sıylıǵınıń laureatı boldı.
Ol dzyudoshı Tadaxiro Nomuranı ózine úlgi dep biledi. Dzyudoshınıń tajsha usılı seoynaga bolıp tabıladı.
Derekler
[redaktorlaw | derekti redaktorlaw]- ↑ «Judo ABE Hifumi - Tokyo 2020 Olympics». 26-iyul 2021-jılda túp nusqadan arxivlendi. Qaraldı: 26-iyul 2021-jıl.
- ↑ «Japan announces team for Rio, Ono is in». www.100judo.com. 13-iyun 2016-jılda túp nusqadan arxivlendi. Qaraldı: 21-oktyabr 2018-jıl.
- ↑ "Hifumi Abe en or en -66 kg, quatre sur quatre pour le Japon". Eurosport. 2017-08-29. https://www.eurosport.fr/judo/mondiaux-2017/2017/hifumi-abe-en-or-en-66-kg-quatre-sur-quatre-pour-le-japon_sto6307921/story.shtml.
- ↑ "Le Japon voit double au Grand Slam d'Ekaterinbourg" (in fr). euronews. 2018-03-17. https://fr.euronews.com/2018/03/17/le-japon-voit-double-au-grand-slam-d-ekaterinbourg.
- ↑ "Mondiaux 2018 - Après sa soeur Uta, Hifumi Abe (-66 kg) en or aussi". Eurosport. 2018-09-21. https://www.eurosport.fr/judo/mondiaux-2018/2018/mondiaux-2018-apres-sa-soeur-uta-hifumi-abe-66-kg-en-or-aussi_sto6941239/story.shtml.
- ↑ «У Японии третье золото, итоги второго дня ЧМ-2025 по дзюдо» (ru). sportaran.com. Qaraldı: 15-iyun 2025-jıl.