Zúleyxa Saparova

Zúleyxa Saparova
Tuwılǵan sánesi	23-fevral 1930(1930-02-23) (96 jasta)
Tuwılǵan jeri	Tórtkúl, Qaraqalpaqstan
Puqaralıǵı	SSRA →  Ózbekstan
Milleti	qaraqalpaq
Kásibi	oyınshı, baletmeyster
Iskerlik jılları	1954
Sıylıqları	Ózbekstan xalıq artisti, Berdaq atındaǵı sıylıq laureatı

Zúleyxa Saparova (Зүлейха Сапарова; 1930-jıl 23-fevral, Tórtkúl) — qaraqalpaq milliy oyın kórkem óneriniń kózge kóringen wákili, oyınshı hám baletmeyster. Ózbekstan xalıq artisti (1969).

Iskerligi

Zúleyxa Saparova óziniń dóretiwshilik jolın professional saxnada baslap, uzaq jıllar dawamında qaraqalpaq milliy oyınların rawajlandırıwǵa úles qostı. 1954–1976-jılları Berdaq atındaǵı Qaraqalpaq mámleketlik filarmoniyasında jeke atqarıwshı oyınshı, 1976-jıldan Baletmeysterlik xızmetin atqardı.

Dóretiwshiligi

Oyınshınıń atqarıwındaǵı oyınlar óziniń shoqlıǵı, názikligi, milliyligi hám ózine tartıwshılıǵı menen ajıralıp turǵan. Ol tek qaraqalpaq emes, al basqa xalıqlardıń da oyınların joqarı sheberlik penen atqara alatuǵın kóp qırlı talant iyesi boldı.

Tanımalı oyınları:

• Qaraqalpaqsha oyınlar: «Tınıshlıq kepteri», «Júrek torları», «Namabası», «Názli»;
• Ózbekshe oyınlar: «Zang», «Lázgi», «Dildor», «Pilla», «Názigim».

Sonday-aq, onıń repertuarınan hind, túrkmen, tájik hám basqa da jáhán xalıqlarınıń milliy oyınları orın alǵan.

Sıylıqları

• 1968 — Berdaq atındaǵı Qaraqalpaqstan Respublikası Mámleketlik sıylıǵınıń laureatı;
• 1969 — Ózbekstan xalıq artisti húrmetli ataǵı.