Bavariya

Wikipedia, erkin enciklopediya
Bavariya
Bavariya Alp tawları

Bavariya (nemis. Bayern) — Germaniya Federativ Respublikasının' (GFR) qublasında ha'm qubla-shıg'ıs bo'leginde jaylasqan jerlerinen biri. Ol tutqan maydanı boyınsha GFR-din' dizimindegi en' u'lken jer bolıp esaplanadı.

Administrativ bo'liniwi: jeti sanlı administrativ okrugqa — Jokarg'ı Frankoniya, Worta Frankoniya, to'mengi Frankoniya, joqarg'ı Pfals, to'mengi Bavariya, joqarg'ı Bavariya, shvabiya. Paytaxtı — Myunxen qalası. Xalqının' quramın ko'binshe to'rt millet quraydı — bavarlar, frankonlar, shvablar ha'm sudet nemislerı.

Maydanı 70,6 mın' km2. Xalqı 14,5 mln. adam (1991). Bul jerde Alp tawlarının' en' ba'lent jeri Sugchpitsse 2963 m-ge jetedi. Yanvardın' ortasha temperaturası 0 °C,—3 °C, iyuldiki +15 °C, +29 °C. Jıl dawamında 935 mm jawın jawadı.. Bavariyanın' terretoriyasının' 1/3 bo'legi tog'aydan ibarat, taw jaylawlıqlarının' en'-ko'p bo'legi sol jerde jaylasqan. Ullı da'rya Dunay ha'm sol jerden ag'ıp o'tedi. Bavariya GFR-din' industriyal-agrar jeri. Sanaatdın' mashın qurılısı, elektrotexnika, toqımashılıq, azıq-awqat, neft qaytadan islew sanaatları rawajlang'an. Awıl xojalıg'ında da'nli eginler, qant, kartoshka ha'm basqa eginler egiledi. Mayn da'ryasının' boylarında ju'zimshilik penen ha'm shug'ılanıladı. Temir jollarının' ko'bisi elektrifikatsiyalastırılg'an. Dunay ha'm Mayn da'ryalarında ag'ım ku'shli ag'adı. Bavariyada 3 u'niversitet bar.