Dialektika

QARAQALPAQ WİKİPEDİASININ' MAG'LIWMATI
Bug'an o'tiw: navigatsiya, izlew

Dialektika - bul barlıq jasaytug'ınlardın' bolmısı menen rawajlanıwının' universallıq baylanısları haqqındag'ı filosofiyalıq ta'liymat. Sonın' ushın filosofiyalıq bilim tarawında en' da'slep rawajlanıwdın' o'zine ta'n protsessi qaraladı. Qısqasha aytqanda, dialektika - bul rawajlanıwdın' filosofiyalıq teoriyası.

Dialektika du'nyanın' ko'rinisin ashıp beredi, du'nyadag'ı baylanıslardı ta'biyat, ja'miyet ha'm oylawdın' ha'reketi menen rawajlanıwdın' g'alabalıq nızamların qaraydı. Dialektika o'zinin' du'zilisine qaray obektivlik ha'm subektivlik dialektika bolıp bo'linedi.

Obektivlik dialektika - sırtqı du'nyada jasaytug'ın o'z ara baylanısta turatug'ın is-ha'reket penen rawajlanıw protsessin an'latadı.

Subektivlik dialektika - usı protsesslerdin' adamlar arasında sa'wleleniwi ha'm adam oyları menen tu'siniklerinin' ilgerilewi.