Henry Ford

QARAQALPAQ WİKİPEDİASININ' MAG'LIWMATI
Bug'an o'tiw: navigatsiya, izlew
Henry Ford

Henry Ford (30 Iyul, 1863 - 7 Aprel', 1947) - Amerikaliq injener ha'm isbilermen bolg'an. Ol 1896 jili mashina islep shig'ara basladi ha'm Ford Motor Company kompaniyasinin' tiykarin saldi. Ol ha'r bir jumisshi bir na'rse islep shig'ariw protsessinde tek g'ana kishkene bo'legin ornatatug'in sistema pikirin rawajlandirdi. Onin' pikiri mashinalardi ko'plep islep shig'ariwg'a imka'n tuwdirdi. Bul konveyerde jiynaw dep ataldi. Bul usil ha'zirgi ku'ndede zavod, fabrikalarda ko'plep zatlar islep shig'ariwda ken'nen qollaniladi. Sol waqitta bul usil innovatsiya bolip, og'an tez waqitta ha'm basqa kompaniyalardan arzan bahada ko'p mashina islep shig'ariw imka'niyatin berdi. Ol Klara Brayantqa u'ylendi ha'm onnan Edsel Brayant Ford isimli uli boldi. Ford Detroit, Michigang'a mexanik kar'erasin baslaw ushin u'yinen shig'ip ketti.

Ford Motor Kompaniyasinin' Baslaniwi[o'zgertiw]

1903 jili Ford Ford Motor Kompaniyasin baslawg'a ja'rdemlesti ha'm kompaniyanin' birinshi vitse prezidenti boldi. Kompaniya 1903-jili 23-iul'da o'zinin' birinshi mashinasin satti. 1906-jili Ford kompaniya prezidenti boldi.

Millet ushin Mashina[o'zgertiw]

Ford konveyeri, 1913-jil

1908-jili Ford kompaniyasi Ford Model T mashinasin islep shig'ara basladi. Ford "ko'pshilik ushin mashina" islep shig'ariwdi qa'leytug'inin aytti. Ol tek g'ana bay adamlar emes, al ko'pshilik Amerikaliqlar mashina satip ala aliwi kerek dep oyladi. Usi maqsetke erisiw ushin ol mashina dizaynin mu'mkin bolg'aninsha a'piwayi qildi. Barliq mashinalar birdey etip islep shig'arildi. Mashinalar ju'da' a'piwayi edi, mashinalardin' ba'ri birdey qara ren'de edi. Mashinani islep shig'ariw $850 g'a tu'sti. Bul sol waqitta ko'p aqsha boliwina qaramastan arzan mashina edi. Ko'pshilik Model T mashina satip aliwg'a qushtar boldi. Talap ku'sheygeni sonshelli, Ford ha'mmege mashina islep shig'arip jetkize almadi.

Jiynaw liniyasi[o'zgertiw]

Ford jiynaw liniyasi pikirinin' payda boliwina ja'rdem berdi, ha'm 1913-jili o'z zavodinda paydalanip basladi. Bul usil menen mashina islew ko'p waqit talap etpedi. Ol zavodina qozg'aliwshi konveyer ornatti. Mashinalar konveyerde qozg'aladi, ha'm ha'r bir jumisshi mashinanin' bir bo'legein ornatiwg'a juwapker boldi.

Tabis[o'zgertiw]

Konveyerde jiynaw u'lken tabisqa eristi. Mashina islep shig'ariw az waqitti aldi, ha'm olardi islep shig'ariw da arzang'a tu'sti. 1916-jilg'a kelip Ford mashinasi $360 turdi, ha'm ha'zirgiden u'sh ese ko'p adamlar onin' mashinalarin satip alar edi. Ford Model T mashinasi Amerikani o'zgertip jiberdi. Mashina adamlarg'a qalada jasawdi an'satlastirdi.