Erkin Vahidov

Wikipedia, erkin enciklopediya
Erkin Vahidov
Atı Erkin Vahidov
Tuwılǵan 1939-jılı
Qaytıs bolǵan 2016-jıl
Milleti Ózbek
Sıylıqları Ózbekistan xalıq jazıwshısı
Tuwılǵan sánesi 28-dekabr 1936(1936-12-28)
Qaytıs bolǵan sánesi 30-may 2016(2016-05-30) (79 jasta)

Ómiri[redaktorlaw | derekti jańalaw]

Erkin Vahidov 1939-jılı Ferǵana wálayatınıń Altıarıq aymaǵında oqıtıwshılar shańaraǵında tuwılǵan. 1960-jılı Tashkent mámleketlik universitetiniń filologiya fakultetin pitkergennen soń, "Jas gvardiya" hám Ǵafur Ǵulam atındaǵı ádebiyat hám mádeniyat baspalarında isleydi. Birneshe jıl "Yoshlik" jurnalında bas redaktor wazıypasın atqaradı. Shayır 1983-jılı "Shıǵıs jaǵısı" toplamı ushın Hamza atındaǵı Ózbekistan mámleketlik sıylıǵın alıwǵa miyasar boladı. Ol "Húrmet belgisi" ordeni menen sıylıqlandı. "Ózbekistan xalıq shayırı" hám "Ózbekistan Qaharmanı" degen húrmetli ataqlardıń iyesi. Sonıń menen birge, birneshe mártebe Ózbekistan xalıq deputatı bolıp saylandı. Shayır 2016-jılı dúnyadan ótti.

Dóretiwshiligi[redaktorlaw | derekti jańalaw]

E. Vahidov ózbek ádebiyatına ótken ásirdiń 60-jıllarında kirip keldi. Hafiz Sheraziy, Bedil, Fridrix Shiller, Gyote, A. Pushkin, A. Blok, Rasul Gamzatov sıyaqlı talant iyeleriniń shıǵarmaların ózbek tiline awdardı. Ásirese, Gyoteniń "Faust", S. Eseninniń "Parsı namaları" sheberlik penen awdaradı. Shayırdıń dáslepki "Tań nápesi" (1961), "Aqıl hám júrek" (1963), "Meniń juldızım" (1964) sıyaqlı toplamları esaplanadı. Bunnan basqa "Saza" (1965), "Házirgi jaslar" (1974), "Tiri planetalar" (1978), "Shıǵıs jaǵısı" (1981), "Muhabbatnama", "Sadaqatnama" (1981) toplamları bar. Shayır 2000-jılı saylandı shıǵarmaların tórt kitapqa biriktirip, arnawlı kitap etip shıǵardı. Shayırdıń óspirimlik hám jaslıq jılları jazǵan shıǵarmaları "Muhabbat sawdası" kitabında, orta jasta dóretken qosıqları "Qosıq dúnyası" kitabında, eliw jastan keyingi shıǵarmaları "Ómir dáryası" toplamında, hár túrli jılları jazılǵan qosıqları menen aforizmlik(hikmetleri) shıǵarmaları "Kewil sazası" kitaplarında basılıp shıqtı. E. Vahidov "Biyik turmıs tańı" (1960), "Arzıw shámeni", "Saza" (1964), "Palatkkada jazılǵan dástan" (1966), "Ruwxlar qozǵalańı" (1979) sıyaqlı birneshe dástanların dóretti.

Derekler[redaktorlaw | derekti jańalaw]