Federal tergew byurosı
Federal tekseriwler byurosı (FTB) (inglisshe: Federal Bureau of Investigation; qısqartpası: FBI) — AQSh ta federal nızamlar buzılıwların tekseretuǵın shólkem. 1908-jılda dúzilgen. Rezidenciyası Vashington qalasında jaylasqan. Shólkemlestirilgen jinayatshılıq, terrorizm, náshebent elementler sawdası, hámel jinayatları, zorlıq jaǵdaylarına, AQSh aymaǵında basqa mámleketler razvedkalarına qarsı gúres FTB iskerliginiń zárúrli baǵdarları bolıp tabıladı. Byuronıń mámleket shtatları paytaxtlarında, iri qalalarda 60 qa jaqın bólimi, 500 den artıq jergilikli bólimleri, ayırım mámleketlerde bolsa baylanıs postları bar. FTB da 24 mıńǵa jaqın xizmetker, atap aytqanda, 10 mıńǵa jaqın arnawlı agent xizmet etedi. Byuro basshısın AQSh prezidenti tayınlaydı, AQSh Kongressi tastıyıqlaydı.
Derekler
[redaktorlaw | derekti redaktorlaw]ÓzME, Birinshi tom, Tashkent, 2000-jıl
 | Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |