Sudochye mámleketlik ornitologiya buyırtpa qorıqxanası

Sudochie mámleketlik ornitologiya buyırtpa qorıqxanası - Ámiwdárya deltası biologiyalıq kompleksin, kóshpeli quslar qonıp ótetuǵın, olar balalaytuǵın orınlardı qorıqlaw maqsetinde 1991-jılda shólkemlestirilgen. Qaraqalpaqstan Respublikası Moynaq rayonında, Sudochie ko'li, jáne onıń sorili átiraplarında jaylasqan. Maydanı 50 mıń ga. Onıń batıs shegarası Ústirt tegisligi boylap, qubla-shıǵıs shegaraları kóldiń qırǵaǵı boylap ótken. Kólde kóplegen júzetuǵın hám suw boyı qusları dem aladı, kóbeyedi. Bul jerde aq quslar, kolpicalar, qarabaylar (Qızıl kitapqa kirgizilgen) hám basqa túrdegi quslar, sonıń menen birge, awlanatuǵın ondatralar jasaydı. Qorıqxana xalıq aralıq áhmiyetke iye, kól batpaqsuw háwizlerin qorǵaw boyınsha Ramsar konvensiyey dizimine kiritilgen. Kóldiń ortasha shuqırlıǵı 1,5 m, qalıń ósińki suw ósimlikleri jabayı haywanlar ushın azıq bazası esaplanadı.

Buyırtpa aymaqta quslardı úyreniw boyınsha ilimiy jumıslar alıp barıladı, hár jılı quslar sanın esapqa alıw jumısları atqarıladı, ondatra awlanadi.