Tekst

Mánilik jaqtan izbe-iz baylanısqan sóylew birlikleriniń jıyıntıǵına tekst dep ataladi.

Tekst ataması latınnıń textus (qurastırıw) sózinen aling'an.

Teksttiń dúzilisi hár túrli boladı. Ol óz aldına

qollanılǵan eki yamasa birneshe gáptiń baylanısınan

quralǵan bir abzactan yaki birneshe abzaclardıń jıyıntıǵı-

nan dúziledi.Dánekerler quramına kirgen gáp hám abzaclardı mánilik jaqtan baylanıstırıwda intonaciya, sózlerdiń hárbir

abzacta tákirarlanıwı, sinonim sózler, almasıqlar hám

dánekerler qatnasadı. Mısalı:

Atlar sol sesti esitip qalǵanday dárriw kúnge arqasın

ısıtıp azmaz turadı da, suwǵa jáne awzın basadı.

Suwǵa ábden qanǵan jılqılar asıqpay jolǵa shıǵıp

aladı da, seyisxanaǵa qarap tasırlasıp shawıp ketedi.

Olar quyrıqların kóterip, arman-berman, ersili-qarsılı

eleslep júrip kisnep, tanawların kóterip oynaqlaydı.

(Sh.A.)

Bul keltirilgen tekst eki abzactan dúzilgen. Teksttiń

bólekleri — abzaclardı mánilik hám grammatikalıq jaqtan

baylanıstırıwda mısalda dıqqat etilgen sózlerdiń tákirarlanıwı, sinonimler, almasıqlar qatnasqan.

Házirgi kórkem shıǵarmalarda tekst kóbinese

monolog (jeke adamnıń sózi) hám dialog (eki yamasa

birneshe adamnıń sózi) formalarında dúziledi.