Xalıqaralıq shártnama

Xalıqaralıq shártnamalar haqqında 1969-jılģı Vena Konventsiyası qaģıydalarına muwapıq, xalıqaralıq shártnama - mámleketler hám xalıqaralıq huqıqtıń basqa subektleri arasında bir, eki yamasa bir-biri menen baylanıslı bir neshe hújjetlerde iske asırılģanına jáne onıń anıq atına qaramastan jazba túrde dúziletuģın xalıqaralıq huqıq penen retlestiriwshi pitim esaplanadı.

Xalıqaralıq shólkemniń shártnamalar dúziw huqıqıy múmkinshiligi usı shólkem qag'ıydaları menen retlestiriledi. Eger ma'mleketlerdiń xalıqaralıq shártnamalar dúziwge bolg'an huqıq uqıbı sheklenbegen hám olar hár qanday másele boyınsha shártnamalar dúziw huqıqına iye bolsa, xalıqaralıq shólkemlerdiń shártnama dúziw huqıqı uqıbı olardıń tiykarģı hújjetleri menen belgilenedi.

"Xalıqaralıq shártnama" - mámleketler hám xalıqaralıq huqıqtıń basqa subektleri tárepinen bir, eki yama-sa bir-biri menen baylanıslı bir neshe hújjetlerde sáwlelengenine ja'ne onıń anıq atına qaramastan jazba túrde dúziletuģın xalıqaralıq huqıq penen retlestirletuģın pitim esaplanadı.

Xalıqaralıq shártnama - awızeki dúzilgen basqa pitimlerden, yaģnıy djentelmenlik pitimler (málim teksten ibarat, biraq xalıqaralıq shártnamanıń basqa atributların, atap aytqanda oģan yuridikalıq kúsh beriwshi, kúshke kiriw sharayatların ha'm ha'reket múddetin belgilewshi qaģıydalardı ózinde sáwlelengen awızeki pitim)den ózgeshe bolģan mámleketler arasında dúzilgen jazba pitimler.