Ámet Shamuratov

Ámet Shamuratov
Tuwılǵan sánesi	1912-jılı(1912)
Tuwılǵan jeri	Xojeli rayonı
Qaytıs bolǵan sánesi	1953-jılı(1953)
Ómirlik joldası	Ayımxan Shamuratova

Ámet Shamuratov (Әмет Шамуратов; 1912-1953) — shayır, jazıwshı hám jámiyetlik isker.

Ómiri

1912-jılı Xojeli rayonınıń aymaǵında tuwıladı

Ol 1924—25-jılları Xojelidegi internatta tarbiyalanadı, soń Shımbaydaǵı «Kammuna» mektebinde oqıydı. Á. Shamuratov 1931-jılı Moskvaǵa oqıwǵa jiberiledi. Ol oqıp júrip, Moskva metrosı qurılısında jumıs isleydi hám oqıwın 1938-jılı pitkerip shıǵıp, respublikalıq xalıq bilimlendiriw ministrliginde inspektor, sońınan baspa sóz orınlarında isleydi. 1947—50-jılları Moskvadaǵı partiya mektebinde oqıydı hám onı pitkergenen soń respublikamızdıń Ministrler Keńesi baslıǵınıń orınbasarı, Nókis qalalıq partiya komitetiniń birinshi xatkeri, Jazıwshılar Awqamınıń baslıǵı lawazımlarında isleydi. Ámet Shamuratov 1941-jıldan Jazıwshılar Awqamınıń aǵzası bolǵan.

1953-jılı talantınıń áyne gúllengen shaǵında awırıp qaytıs boladı.

Dóretiwshiligi

Ámet Shamuratovtıń «Sıylıq» (1940), «Eski mektepte» (1940), «Watan haqqında qosıqlar» (1943), «Baxıt» (1949) sıyaqlı poeziyalıq hám prozalıq toplamları basıldı. Jazıwshınıń «Tańlamalı shıǵarmaları» birneshe mártebe 1954, 1962, 1963, 1972-jılları qayta basıldı. Jazıwshınıń «Meniń jolbarıslar menen jolıǵısıwlarım» gúrrińler dúrkini ózbek hám rus tillerine awdarıldı. Á. Shamuratov J. Aymurzaev penen birge «Aral qızı», I. Yusupov penen birge «Qırq qız» pyesaların jazadı.