Ómirbek Laqqı
| [[Fayl:|280px|súwret]] | |
| Tuwılǵan sánesi | 1831 |
|---|---|
Ómirbek laqqı Qaraqalpaqstan xəm Xorezm xalıqları arasında keńnen tanımal bolǵan ushqır sózli,tapqır,sózge sheshen kúldirgi sóz sheberi. Ómirbek laqqı tariyxıy tulǵa bolıp esaplanıp,ómirde jasaǵan real tulǵa. Ómirbek laqqı 1831-jılı Shımbay qalasında tuwılǵan, ruwı qaraqalpaq ruwlarınıń úlken bir bólimi Qıtayǵa kiretuǵın quyın ruwınan bolǵan. Óziniń həzil-dəlkekleri,ótkir satiralıq sıpatqa iye yumorları xəm ótkir sarkazmge bay dəlkekleri menen unamsız shaxslar ústinen kúlip,miynetkesh xalıqtıń ruwxıy kewlin kóteriwshi adam bolǵan. Ómirbek tiliniń ótkirligi menen eziwshi qatlam ústinen kúlip, qılmısların əshkaralawshı həziller aytıp, həzil-dəlkek penen xalıq tərepinde turıp, kerek jerinde xalıqtıń tili bolǵan. El ishindegi dau-jənjellerdi sheshiwge qatnasıp, ədillik penen sheshetuǵın,sózge sheshenligi menen xalıq húrmetine bólengen. Ómirbek qaraqalpaq biyleri arasında úlken abırayǵa iye xəm biyler arasındaǵı eń úlken Aǵabiy lawazımındaǵı Erejep aǵabiydiń jiyeni bolıp, olar arasındaǵı dayılı-jiyenli həzil-dəlkek aytısları xalıq arasında keńnen taralǵan. Bir gellege qonıp mıńlardıń baxtı, Paqır-puqaralar qıynalǵan uaqtı, Ashshı kúlki menen jurtın quwantıp, Shımbay jaqta ótken Ómirbek laqqı. (I.Yusupov)