Ǵalım Seytnazarov
| Ǵalım Jamalovich Seytnazarov | |
|---|---|
 | |
| Tuwılǵan sáne | 1927-jılı |
| Tuwılǵan jeri | Taxtakópir rayonı |
| Qaytıs bolǵan sáne | 1994-jılı |
Ǵalım Seytnazarov (1927-1994) — 1927-jılı Taxtakópir rayonında tuwıladı. Ǵalım Seytnazarov kórkem ádebiyatqa ótken ásirdiń 50-jılları talantlı shayır, qálemi jedel jurnalist, sheber prozaik jazıwshı sıpatında kirip keldi. Ol 1943-jıldan baslap óz miynat jolın baslawısh klaslarda muǵallim bolıp islewden baslaǵan hám 1944-jılı muǵallimler kursın, 1947-jılı Almatıdaǵı jurnalistika kursın oqıp pitkeredi. Ǵalım Seytnazarov 1953-jıldan Jazıwshılar awqamınıń aǵzası boladı.
Ǵalım Seytnazarov talantınıń áyne jetilisken shaǵında 67 jasında qaytıs boldı
Dóretiwshiligi
[redaktorlaw | derekti redaktorlaw]Belgili talant iyesiniń «Dáslepki dápter» (1960), «Erlik belgisi» (1961), «Razliftegi qos» (1968), «Sırlasıw» (1977), «Temir qazıq» (1982), «Tańlamalı shıǵarmalar» 1 tomlıq (1985) poeziyalıq toplamlar mene birge «Qızıl qum novellası», «Jalǵız atlı» gúrrińler, «Dawıllar arasınan», «Gújim haqqında qıssa» povestleri menen «Máwsimler muqamı» romanı basılıp shıqtı. Jazıwshı 1969-jılı Qaraqalpaqstanǵa miyneti singen mádeniyat xızmetkeri, 1977-jılı Ózbekstanǵa miyneti sińgen mádeniyat xızmetkeri, «Dawıllar arasınan» povesti ushın Berdaq atındaǵı Máleketlik sıylıqtı alıwǵa erisedi. Abu Rayxan Beruniy obrazın Ǵalım Seytnazarov óziniń «Temir qazıq» poemasında jaratıp beredi.