23-noyabr

Bul sánedegi waqıyalar

Búgin 23-noyabr Yaponiyada Miynetke alǵıs aytıw kúni bayramlanbaqta. Bul bayram Yaponiyada 1948-jıldan baslap belgilenbekte. Bul kúndi Yaponiyalılar zúráát bayramı retinde belgileydi, bunda diyxanlardıń hám awıl xojalıǵı jumıslarınıń tamamlanıwı ózinde sáwlelenedi.

Búgin Litva elinde áskerler kúni bayramlanbaqta. Bul kún 1918-jıl 23-noyabrden baslap házirgi kúnge shekem bayramlanadı.

23-noyabr Xalıq aralıq jazasızlıq penen gúresiw kúni. Bul kúndi belgilew 2011-jılı Xalıq aralıq sóz erkinligi assosaciyasınıń qararı menen tastıyıqlanǵan.

Búgin xalıq aralıq Akvarel boyawları kúni. Bul kúndi belgilew baslaması meksikalı súwretshi Alfredo Guati tárepinen ámelge asırıldı.

23-noyabr Qazaqstanda jol policiyası kúni bayramı. Bayram sánesi dáslepki ret 1992-jıl 23-noyabrden baslap belgilenbekte.

Sonday-aq búgin elimizge belgili kino rejissyor Melis Abzalovtıń tuwılǵan kúni. Maǵlıwmat orında sonı aytıp ótiw orınlı ol «Shınar astındaǵı duel», «Súyinshi», «Kelinler qozǵalanı», «Maysaranıń isi», «Ótken kúnler» sıyaqlı filmlerge rejissyorlıq qılǵan.

1852-jıldıń 23-noyabr sánesinde Angliyada dáslepki pochta qutıları (yaщikleri) ornatıldı. (qollanıla basladı)

1869-jılı 23-noyabrde Shotlandiyada atı ápsanaǵa aylanǵan chay tasıwshı Katti Spark kemesi suwǵa túsirildi. Kemeniń tómengi tárepi mıs taxta menen qaplanǵan. Onıń 335 metr kvadratqa iye jelkeni (jelxom) bar. Kati Spark kemesi Qıtaydan chay tasıw maqsetinde islep shıǵarılǵan edi. Al birinshi jáhán urısında keme arqalı kómir tasıw ámelge asırıldı. Keme tezligi boyınsha kóplegen joqarı nátiyjelerge eristi. Sonlıqtan ol, «Okean patshası» degen atqa da múnásip dep tabıldı. Waqıttıń ótiwi menen bul keme muzeyge aylandırıldı.

1923-jılı 23-noyabrde Yakob Shik birinshi elektr ustaraǵa (britva) patent aldı.