28-may
| ← May → | ||||||
| Dú | Si | Sá | Pi | Ju | She | Ek |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| 2024-jıl | ||||||
Dúnya ellerinde orın alǵan eń ahmiyetli sáneler hám qızıqlı waqıyalar menen tanıstırıp baramız. Bul kún tariyx betlerinde qanday máwritleri menen adamlar esinde qaldı?! Búgin qanday bayramlar dúnyada bayramlanıp atır? Bul haqqında maǵlıwmatlar siz ushın.
Búgin kóplegen mámleketlerde Qara shashlı qızlardıń kúni keń kólemde bayramlanbaqta. Bayramnıń kelip shıǵıw tariyxı júdá qızıq. 2006 jıldan berli Dúnyajúzlik Sarı shashlı qızlar kúni bayramlanatuǵınlıqtan, qara shashlı qızlarda bunday baslamanı keń jámiyetshilikke usındı hám bul kúndi Qara shashlı qızlar kúni retinde belgilewdi maqulladı. Qara shashlı qızlar kúni - rásmiy emes bayram, degen menen jaqın arada rásmiy statusqa iye bolıwı itimal.
28 mayda mayonezdiń tuwılǵan kúni. Ápsanalardıń birinde, ol urıs waqtında payda bolǵan. 1756 jılı Franciyanıń Maon qalasın inglis áskerleri basıp aldı. Aradan kóp waqıt ótpesten qala ishindegi marshal Lui dyu Plessi baslaǵan francuz garnizonına azıq-awqat jetispey qaldı. Sol dáwirde bar azıq-awqattan máyek, ósimlik mayı hám limon ǵana bolǵan. Áskerler omletke betley almaǵan waqıtta, aspaz usı ingridientlerden sous tayarlaǵan.Mazalı bolǵannan keyin, tayarlaw usılı pútkil Franciyaǵa en jayadı. Soustı atalǵan qalanıń atı menen mayonlı, yaǵnıy francuzsha “mayonnaise” dep ataǵan eken. Házirgi kúnde soustıń recepti azǵana ózgergen. Oǵan ósimlik mayı menen máyekten tısqarı sút, qısha, uksus hám basqada dám beriwshiler qosıladı.
Sonday-aq búgin, SEO optimizator yamasa SEO administrator kásiplik bayramı. SEO degenimiz izlew sistemaları menen jumıs islew usılları, onıń maqseti - paydalanıwshılardıń belgili bir sorawlarına súyenip, izlew sistemaları arqalı ózińizge kerekli maǵlıwmatlardı rawajlandırıw. SEO-optimizator qánigeligi ótken ásirdiń toqsanınshı jıllarınıń ortasında payda boldı. Sonnan berli izlew sistemaları bir neshe márte algoritmlerin ózgertti, sáykesinshe SEO optimizaciyada rawajlandı.
Dúnyada bolǵan waqıyalar[redaktorlaw | derekti jańalaw]
1742 jılı Londonda dáslepki jabıq basseyn qurıldı;
1754 jılı Franciya menen Hindistan urısına sebepshi bolǵan Jumonvil waqıyası júz berdi;
1997 jılı Kievte Rossiya menen Ukraina Qara teńiz flotın bólisiw haqqında hújjetlerge qol qoyıldı.
Dúnyaǵa kelgen tulǵalar[redaktorlaw | derekti jańalaw]
1908 jılı oficer, jurnalist hám jazıwshı Yan Fleming dúnyaǵa keldi. Ol agent 007 Djeyms Bond tuwralı kitap jazǵan;
1971 jıl rossiyalı kórkemlep sırǵanawshı Sergey Grinkov penen birge jarısqa qatnasqan Ekaterina Gordeeva dúnyaǵa keldi. Eki márte olimpiada chempionı (1988, 1994), tórt ret jáhán chempionı, úsh márte Evropa chempionı hám professionallar arasında úsh márte jáhán chempionı. Rossiyaǵa miyneti sińgen sport sheberi (1988, 1994).
1968 jılı avstraliyalı qosıqshı hám aktrisa Kayli Minoug dúnyaǵa keldi.