8-dekabr
| ← Dekabr → | ||||||
| Dú | Si | Sá | Pi | Ju | She | Ek |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
| 2024-jıl | ||||||
Bul sánedegi waqıyalar[redaktorlaw | derekti jańalaw]
Tariyx betlerinen orın alǵan eń áhimiyetli waqıyalar hám zárúr sáneler menen tanıstırıp barıwdı dawam etemiz.
8-dekabr Ózbekstan Respublikasınıń Konstituciyası kúni. Ózbekstan Respublikası (Oliy Kengashining) Joqarǵı Keńesiniń 1992-jılı 8-dekabrdegi qararı tiykarında Ǵárezsiz Ózbekstannıń Konstituciyası qabıl etilgen. Bul kúndi bayram retinde belgilew maqsetinde 8-dekabr ulıwma xılıqlıq bayramı – Ózbekstan Respublikası Konstituciyası kúni dep járiyalandı. Ózbekstan Respublikasınıń Konstituciyası dúnyadaǵı insanpárwar hám demokratiyalıq Konstituciyalardan biri bolıp tabıladı.
Búgin sonday-aq, Ruminiyada Konstituciya kúni. 1991-jılı 8-dekabrden baslap bul elde Konstituciya kúni bayramlanbaqta.
Búgin Ózbekstan Respublikası Ǵárezsiz mámleketler Doslıǵı shólkemine aǵza bolǵan kún.
Búgin xalıq aralıq súwretshiler kúni.
8-dekabr Panamada Analar kúni keń túrde bayramlanadı. Bul sáne Panamada 1930-jıldan baslap milliy bayram statusına iye boldı.
Al Bolgariyada búgin Studentler bayramı belgilenbekte.
8-dekabr Hindistannıń ataqlı aktyorı Dxarmendranıń tuwılǵan kúni. Ol 1935-jılı 8-dekabrde tuwılǵan. Dúnya mámleketlerinde aktyordıń «Zita, Gita», «Tas hám gúl», «Súykimli Raja», «Alibaba hám qırıq qaraqshı» hám basqada bir qatar filmleri kópshilikke tanıs.
Franciyada búgin Ot jalınları (olov) festivalı dástúrli túrde ótkeriledi. Bul bayramda Franciyanıń barlıq qalalarında adamlar shıraqlar, shamlar, fanarlar hám basqada jaqtılıq beriwshi zatlardı kóshede jaǵıp júredi. Bayram 2-3 kún dawam etedi. Házirgi waqıtta bul bayramda lazerli show tamashaları kópshilik názerine usınıladı.
8-dekabr Qırǵızıstanda Radio hám televidenie xızmetkerleri kúni bayramlanadı. Bul bayram Qırǵızıstanda 1995-jıldan baslap belgilenbekte.
Búgin Ukraynada Miyrim shápáát kúni. Bul kún Ukraynada dekabr ayınıń ekinshi ekshembisinde jıl sayın belgilenedi.
Búgin Albaniya mámleketinde jaslar kúni bayramı belgilenbekte. Bul sáne Albaniyada milliy bayram statusına iye.
1931-jılı 8-dekabrde Amerika Qurama Shtatında koaksial elektr sımı patentlestirildi.