Ańsatbay Qayratdinov

Qaraqalpaqstan xalıq artisti, Berdaq atındaǵı mámleketlik sıylıqtıń laureatı, belgili baqsı xam sázende, kompozitor Ańsatbay Qayratdinov 1933-jılı Shımbay rayonınıń Usman Yusupov atındaǵı sovxozda ataqlı Qıyas jıraw Qayratdinov xojalıǵında tuwıladı. Ańsatbay jaslayınan baslap ákesiniń izine erip, xalıq qosıqların namaların tıńlap ózi qobız, girjek, duwtar, skripka saz áspabların shertiwdi hám qosıq aytıwdı ózlestire baslaydı. A.Qayratdinov 1950-jıldan baslap Shımbaydaǵı pedagogikalıq bilim jurtın hám sońǵı jılları qaraqalpaq mámleketlik pedagogikalıq institutın pitkeredi. Onnan soń ol 1960-jılı Nókis muzıka bilim jurtınıń xalıq sazları áspabları bóliminde 2-jıl oqıp bilim aladı. Ańsatbay óziniń miynet jolın 1949-jıldan baslap 30 jıl dawamında Qaraqalpaqstan radio esittiriw hám televidenie esittiriw komitetinde duwtarshılar ansamblin sholkemlestirdi.