Abbaz Dabılov
Abbaz Dabılov (1898-jıl, Taxtakópir rayonı — 1970-jıl 11-yanvar, Nókis) — qaraqalpaq shayırı hám aqını. Qaraqalpaqstan xalıq shayırı (1944), Ózbekstan xalıq shayırı (1957). Qaraqalpaq xalıq awızeki dóretiwshiligi hám dástanshılıǵınıń belgili wákili. Dóretiwshiligi 1915-jıldan baslanǵan. Watan, patriotlıq, doslıq, ápiwayı insannıń jaratıwshılıq miyneti Abbazdıń dóretiwshiliginiń tiykarǵı temaları bolıp tabıladı. Ekinshi jáhán urısı jıllarında dóretiwshiligi joqarı shıńǵa kóterilgen ("Dushpandı jeń", "Námart jigit nege dárkar?", "Jawıngerlerge zıyan jetkizbedińbe?" hám b.). "Batır" (2 kitap, 1946—1956) dástanında qaraqalpaq xalqınıń kóp ásirlik turmısı keń kólemde súwretlengen. Abbazdıń 10 ǵa jaqın qosıq toplamı hám 2 tomlıq "Saylanǵan dóretpeler"i (1959 ) baspadan shıǵarılǵan. Qosıqlarınan úlgileri ózbek tiline awdarma etilgen (" Qosıqlar", 1956 ). Berdaq atındaǵı Qaraqalpaqstan Mámleket sıylıǵınıń laureatı (1967).
Derekler
[redaktorlaw | derekti redaktorlaw]- Svetliy den. Stixi, Nukus, 1956; Shgʻarmalari, 1—2-j., Nokis, 1959; Arnaular (Krsiklar), Nókis, 1966.
Ádebiyatlar
[redaktorlaw | derekti redaktorlaw]- OʻzME. Birinshi tom. Tashkent, 2000-jıl
- Niyetullayev S, Abbaz Dabılovtıń tvorchestvalıq jolı, Nókis, 1966.