Wikipedia — erkin enciklopediya
Abdulmóminxan (1738, Buxara ámirligi — 1751) — Buxara ámirligi xanı (1747-51). Ashtarxaniylerdiń úrim-putaǵınan. Abulfayzxannıń ulı. Abulfayzxan saray hiylesi nátiyjesinde óltirilgennen keyin (1747), Muxammed Raxim atalıqtıń buyrıǵı menen Abdulmóminxan taxtqa otırǵızılǵan. Buxarada turǵan Iran shaxı Nadirshaxtıń úkesi Aliqulıxan basshılıǵındaǵı áskerler óz jurtına qaytarıp jiberilgen. Muxammedd Raxim jas «xan»ǵa qızın berip, onı ózine kúyew etip alǵan hám ámelde 1747-jıldan baslap Buxara xanlıǵın ózi basqarıwǵa kirisken. Biraq, aradan 4 jıl ótkennen, Muxammed Raxim kúyewi Abdulmóminxandı da óltirtip, taxtqa Abulfayzxannıń kishi balası Ubaydullaxan IIIti otırǵızadı.
