Alimjan Xalimov
| Tuwılǵan sánesi | 1912 |
|---|---|
| Qaytıs bolǵan sánesi | 1984 |
Alimjan Xalimov — Ózbekstan xalıq artisti, Qaraqalpaqstanǵa xızmet kórsetken kórkem-óner ǵayratkeri, Berdaq atındaǵı sıylıqtıń laureatı, kompozitor, dirijyor, oqıtıwshı, muzıkalı jámiyetlik ǵayratker. A.Xalimov házirgi qaraqalpaq muzıkasınıń tiykarın salıwshılarınıń biri. Ol Ózbekstan hám Qaraqalpaqstan muzıka mádeniyatınıń qáliplesiwine hám rawajlanıwına yarım ásir dawamında salmaqlı úles qosqan dóretiwshilerdiń biri. A.Xalimov 1912-jılı Buxara qalasında ataqlı qosıqshı ustaz Xalim Ibadov shańaraǵında tuwılǵan.
Alimjan 1926-1934-jılları Buxaradaǵı shıǵıs muzıka mektebinde hám Samarqandtaǵı muzıka hám xoreografiya ilim izertlew institutında tálim alǵan.
Onnan keyin 1934-1941-jıllar aralıǵında Moskva konservatoriyasınıń ózbek opera studiyasında xor dirijyorlıǵı boliminde oqıydı hám professor G.I.Litinskiyde muzıka dóretiwinen sabaq aladı.