Andy Warhol
| Tuwılǵan sánesi | 6-avgust 1928[1] |
|---|---|
| Qaytıs bolǵan sánesi | 22-fevral 1987[1] (58 jasta) |
Andy Warhol (aytılıwı: Endi Warxol, haqıyqıy atı (rusinshe): Андрій Верхола; 6-avgust, 1928 – 22 fevral, 1987) Amerikalıq súwretshi, kino shıǵarıwshı bolǵan hám pop-art háreketiniń jetekshi wákileriniń biri edi. İIllyustrator retinde tabıslı karyera islegennen keyin, Warhol dúnya júzine avangard film shıǵarıwshı, muzıka prodyuseri, jazıwshı retinde tanıldı.
Warhol haqqında bir neshe kórgizbeler uyımlastırılıp, kitaplar hám dokumentlı filmler shıǵarılǵan. Ómiri hám dóretiwshiligin eske alıw maqsetinde onıń tuwılǵan qalası Pittsburgh, Pennsylvaniada Andy Warhol Muzeyi shólkemlestirilgen.
Warhol jaratqan súwretke tólengen eń úlken pul $100 milliondı qurap, buǵan 1963-jılı jaratılǵan Segiz Elvisler súwreti ılayıq kórildi. Ádette súwrettiń bahası $100 millionǵa jetiwi bul úlken jetiskenlik esaplanadı hámde buǵan tek Jackson Pollock, Pablo Picasso, Vincent van Gogh, Pierre-August Renoir, Gustav Klimt hám Willem de Kooningler jumısları ǵana erise alǵan[2].
Siltemeler
[redaktorlaw | derekti redaktorlaw]- ↑ 1,0 1,1 (unspecified title)
- ↑ "A special report on the art market: The Pop master's highs and lows". The Economist. November 26, 2009. http://www.economist.com/specialreports/displaystory.cfm?story_id=14941229. Retrieved 2010-08-14.