Artur Taymazov

Artur Borisovich Taymazov
Таймазты Барисы фырт Артур
Artur Borisovich Taymazov; Таймазты Барисы фырт Артур
Tuwılǵan sánesi	20-iyul 1979 (46 jasta)
Puqaralıǵı	Rossiya → Ózbekstan

Artur Borisovich Taymazov (russha: Арту́р Бори́сович Тайма́зов, osetin: Таймазты Барисы фырт Артур ) kelip shıǵıwı osetin bolǵan Ózbekstanlı erkin gúres ustası . 1979-jıl 20-iyulda Qubla Osetiyaniń Nogir awılında tuwılǵan, búgingi kúnde Tashkenttiń «Dinamo» klubı áǵzası. Ol úsh márte Olimpiada chempionı (2004, 2008 hám 2012), Sidney-2000 Olimpiadası gúmis medal iyesi,eki márte jáhan chempionı, eki márte Aziya chempionı, úsh márte Aziya oyınları jeńimpazı. 2004-jıl Qubla Osetiya Mámleketlik universitetin tamamlaǵan. Artur Taymazov sporttıń erkin gúres túri boyınsha Ózbekstan bayraǵın xalqaralıq arenalarda múnásip qorǵap kiyatırǵan isenimli sportshılardan biri. Ózbekstan Olimpiya táriyxında qolǵa kirgizgen 6 altın medaldan úshewiniń iyesi. Shańaraqlı Arsen atlı ul hám Kamila atlı qız perzentlerdiń ákesi^[1].

Ómirbayanı

Artur Taymazov Qubla Osetiyanıń Nogir awılında dúnyaǵa kelgen. Artur jaslıǵınan aǵası menen awır atletika shınıǵıwlarında qatnasqan. 11 jasqa tolǵanda awılında erkin gúres seksiyası ashılǵan hám Arturdı bul sport túri kóbirek ózine tartqan. Sol waqıtlarda ol awıllasları Elbrus Tedeyev, Vadim Tasoev usaǵan gúresshiler menen shınıǵıwlarda qatnasqan. Professional sport penen 1990-jıldan baslap shuǵıllanǵan.

Artur Taymazov óziniń birinshi sporttaǵı 19 jasında erisken. 1998-jıl Pútkil Jáhan Jaslar oyınlarında chempion bolǵan Artur izbe-iz óziniń úlken jetiskenliklerine erise baslaǵan^[2].

Artur Taymazov Ózbekstan ushın gúresiwdi 2000-jıldan basladı. Bul qarardı ol kopshilik oylaǵanınday Rossiya saylandı komandasındaǵı báseki ushın emes, olimpiada oyınlarındaǵı kvotalar menen túsindiredi.

Keyinala Artur respublika hám xalqaralıq túrli chempionatlarda qatnasıp, joqarı orınlardı qolǵa kirgizdi. Úsh márte Olimpiada jeńimpazı, bir neshe ret Jáhan hám Aziya chempionı boldı^[3].

Altın háykelshe

London-2012 Olimpiadasındaǵı tabıslarınan keyin, Artur Taymazov Ózbekstan Respublikası birinshi Prezidenti Islom Karimovtıń 14-avgustdaǵı Pármanına bola, «El-yurt hurmati» ordeni menen sıylıqlandı. Bunnnn tısqarı, 24-avgust kúni Taymazov London-2012 Olimpiadasınıń basqa Ózbekstanlı jeńimpazları qatarında Ózbekstan Prezidenti qabıllawında bolıp, Ózbekstan bayraǵın bálent tutıp turǵan kórinistegi, altın suwı júrgizilgen háykelsheni prezidentten sawǵa sıpatında qabıllap aldı.

2012-jıl 29-avgust kúni Ózbekstan Olimpiya shon-shuhrati muzeyinda London Olimpiadasi jeńimpazların qutlıqlawǵa arnalǵan ilajda Artur Taymazovqa 150 mıń AQSh dollarına sertifikat hámde Chevrolet Malibu avtomobili gilti tapsırılǵan^[4].

Aziya Olimpiya Keńesiniń arnawlı sıylıǵı

2012-jıl juwmaǵında Aziya olimpiya keńesi arnawlı keńesi arnawlı sıylıq járiyaladı hám onı XXX Olimpiya oyınlarında joqarı nátiyjelerdi qolǵa kirgizgen sportshılarǵa berildi. Aziya olimpiya keńesi Olimpiadada altın medallardı qolǵa kirgizgen hámde Aziya hám Jáhan rekordların ornatqan bir topar sportshılardı tańlap aldı hám olarǵa óz sıylıqların tapsırdı. Bul sıylıq 3 márte olimpiada chempioni bolǵan Artur Taymazovqa da tapsırıldı. Bul sıylıqlar Keńestiń noyabr ayında Makaoda bolıp otken bas assembleyasında Ózbekstan Milliy Olimpiya shólkemi wákiline tapsırıldı^[5]^[6].

Derekler

Siltemeler

[1] ttps://web.archive.org/web/20240614163646/http://wrestlingua.com/freestyle-wrestling/540-artur-taymazov.html

[2] ttps://en.wikipedia.org/wiki/Wrestling_at_the_2008_Summer_Olympics_%E2%80%93_Men%CA%BCs_freestyle_120_kg

[3] ttps://web.archive.org/web/20100525150042/http://www.sports-reference.com/olympics/athletes/ta/artur-taymazov-1.html

[4] ttps://en.wikipedia.org/wiki/Wrestling_at_the_2000_Summer_Olympics_-_Men%CA%BCs_freestyle_130_kg

[5] ttps://en.wikipedia.org/wiki/Wrestling_at_the_2004_Summer_Olympics_%E2%80%93_Men%CA%BCs_freestyle_120_kg

[6] ttps://en.wikipedia.org/wiki/Wrestling_at_the_2008_Summer_Olympics_%E2%80%93_Men%CA%BCs_freestyle_120_kg

[1]

[2]

[3]

[4]

[5]

[6]