Ashamaylı

Ashamaylı — qaraqlpaq ruwı

Ashamaylılar-qaraqalpaq qońıratları shúllik bólimi quramındaǵı 8 ruwdıń biri. Basqa ruwlarınıń atları joqarıda aytıldı. Ashamaylı qońıratları on úsh tiyrege bólinedi:

1. Saqıw;
2. Qaraxoja;
3. Jalańayaq;
4. Ayıllı;
5. Qabasan;
6. Túrkmenqara;
7. Japar;
8. Sarı;
9. Abız;
10. Aqay;
11. Pańqara;
12. Úsh bas;
13. Qurama.

Endi, ashamaylılarǵa qaytayıq. Xiyўa xanlıǵınıń sońǵı demlerinde, yaǵnıy 1873-jılı ashamaylılar — 500 úyli, uyǵırlar — 250-300 úyli bolǵan. Bul, shúllik qońıratlarınıń hár altınshısı — ashamaylılar, jawınǵır qońıratlarınıń hár 5-6-sı — uyǵırlar bolǵan degen sóz. Sonday-aq, 1912-1913-jılları ótkerilgen jan esapta, Shımbay uezdi boyınsha, Náwpir bolıslıǵında-bir júz on jeti úyli, Tallıq bolıslıǵında -163 úyli, Jańabazar bolıslıǵında — 29 úyli, jámi-309 úyli, 1885-janı bar ashamaylılar dizimge alınǵan. Ashamaylı tiyrelerinen-qabasan menen úsh bastan basqası kóshelerge bólinbeydi.

Qabasan tiyresi:

1. Aqnazar
2. Jansarı
3. Ótemis
4. Esen
5. Tampısh kósheleri.

Al úsh bas tiyresinen jaman degen kóshe taraydı.