At shabıs

At shabıs milliy sport túri

«QARAQALPAQTIŃ MILLIY SPORT OYINLARI»

AT SHABIS qaraqalpaq xalqınıń keń tarqalǵan sport oyınlarınıń biri.At shabıs úlken bayramlarda,toy saltanatlarında arnayı shólkemlestirilip ótkeriledi.Bul oyın túrinde jaqsı seyislengen jılqı xám onı basqaratuǵın shabandoz sheberligi ortaǵa túsedi. At shabıstıń qatań qaǵıydaları bar,belgili bir aralıqqa atlar jiberilgende usı qaǵıydalarǵa ámel etiu talap etiledi:

• 1)jılqınıń jası esapqa alınadı,5 jastan tómen bolmauı kerek:
• 2)shabandozdıń salmaǵı,atqa salmaq túsirmeytuǵın bolıuına qatań qaraladı;
• 3)atqa ertlenetuǵın er-turmannıń jaqsı bolıuı;
• 4)at shabıuǵa jiberiletuǵın qashıqlıq ólshemi;
• 5)shabandozlıqqa jas balalardı tańlaǵanda geyde maqsetke muuapıq keledi.

At shabıs bolatuǵın maydan aldın ala tayarlanadı,onda belgili bir ólshem tiykarında bolıuı esapqa alınadı. Belgilegen qaǵıydalar tiykarında atlar shabısqa jiberiledi:

• a)5,8,10 xám 12 km aralıqqa 3,4 jastaǵı atlar;
• b)15,20 xám 25 km aralıqqa 5 jastan joqarı atlar;
• v)30,40,50 xám onnan da alıs shaqırımǵa~ayrıqsha seyislengen 5 jastan tómen bolmaǵan atlar jiberiledi.