Auditoriya

QARAQALPAQ WİKİPEDİASININ' MAG'LIWMATI

Auditoriya sózi latın tilindegi "auditorium" sózinen alınǵan bolıp, tıńlaw ushın orın degen mánisti ańlatadı. Termin orın mánisin ańlatıwı menen birge sol orındaǵı tıńlawshılardı da bildiredi. Búgingi kúnge shekem bir qatar ilimpazlar ǴXQ auditoriyasına túsinik berip, izertlew jumısların alıp barǵan. Ilimpaz Sh.Chjan auditoriya haqqında bılay dep jazadı: "Auditoriya - informaciya, qızıǵıwshılıqlar (olardıń sociallıq kelip shıǵıwına baylanıslı), sonday-aq, forma, usıl hám usı talaplardı qanaatlandıratuǵın kanallarǵa bolǵan ulıwmalıq talap tiykarında júzege kelgen turaqlı adamlar toparı. ǴXQ - informaciya dáregi bolsa, olardıń auditoriyası - sol informaciyanı qabıl etiwshi tárep yamasa informaciya subektiniń háreket obekti.