Balalar oyını

Balalar oyını — balalar kollektiv bolıp oyın oynaǵanda, balalar oyınınıń geybirewi poetikalıq qosıqlar menen atqarıladı.

Balalar pállempek oyının oynaǵanda eki tárepke bólinip, sawal-juwaplar menen xabarlasadı:

– Pálempek
– Pálkitap
– Eń kishkeneniń atı kim?
– Óziń kórgen … jan…

Balalar qatarlasıp qol uslasıp “hákke qayda” oyının oynaǵanda:

– Hákke qayda?
– Uyasinda
– Ne qılıp atır?
– Keste tigip atır
– Kestesi qanday?
– Alaqanday

Balalar oyınında aytılatuǵın kólemli “Túlkishek”, “Áwele men, dúwelemen” oyınlarındaǵI aytılatuǵın qatarlar balalardı poetikalıq sózdi yadlawǵa, durıs sóylewge úyretedi.

Ha túyeler túyeler,
Duzıń qayda túyeler?
– Balkan tawdıń basında,
Balıq oynar tusında

Balalardıń “ǵayiń-ǵayiń”, “kóylegimdi juwıp ber”, “Quwırshaq” oyınları balalardı miynet qılıwǵa shaqıradı. Mısalı:

Quwırshaǵım edi jaraǵan
Basın haywanqaslap oraǵan
Quwırshaǵıma shıtaq taqtım
Oynayın dep úyden shıqtım

degen qatarlar qız balalarǵa kiyim tigiw miynetlerin úyretiwden ibarat boladı.

Ádebiyatlar

1. Q. Ayimbetov. Xalıq danalıǵı. Nókis: “Qaraqalpaqstan” baspası, 1968, - 297-b.