Balalar qosıqları

Balalar qosıqları - Qaraqalpaq xalıq qosıqlarınıń belgili bir túrin balalar qosıqları quraydı. Balalar qosıqları bul balalar ózleri aytatuǵın qosıqlar. Bul qosıqlardıń oyın menen, soraw-juwap penen baylanıslı keletuǵının atap ótiw kerek. Balalar qosıqlarında balalardıń dunya tanıwı, orap alǵan ortalıqqa qatnası. Sulıwlıq haqqında oyları, qosıqtı oyın menen baylanıstırıwları ayqın kórinip turadı. Balalar qosıqlarınıń o'zgesheliklerin kirigizip N.Dáwqaraev bılay dep jazadı: "Ol o'zgeshelikler eń aldı menen jámáát bolıp aytıladı. Ekinshiden qosıq túrin xalıq oyınların oynaǵan waqıtlarda aralas aytıladı, úshinshiden soraw juwap retinde aytıladı".

Balalar arasında jiye aytılatuǵın "Túlkishek", "Áwelemen-dúwelemen", "Hákke qayda", "Ayqulash" qosıqların keltirip ótiwge boladı. Mısalı:

Túlki - túlki, túlkishek,
Túnde qayda barasań,
Mamamnıń úyine baraman,
Mamań saǵan ne berer?
Eshki sawıp sút berer...