Bavariya

Bavariya (nemis. Bayern) — Germaniya Federativ Respublikasınıń (GFR) qublasında hám qubla-shıǵıs bóleginde jaylasqan jerlerinen biri. Ol tutqan maydanı boyınsha GFR-diń dizimindegi eń úlken jer bolıp esaplanadı. Bavariyanıń Rásmiy atı Erkin Mámleket Bavariya.

Administrativ bóliniwi: jeti sanlı administrativ okrugqa — Jokarǵı Frankoniya, Worta Frankoniya, tómengi Frankoniya, joqarǵı Pfals, tómengi Bavariya, joqarǵı Bavariya, shvabiya. Paytaxtı — Myunxen qalası. Xalqınıń quramın kóbinshe tórt millet quraydı — bavarlar, frankonlar, shvablar hám sudet nemislerı.

Maydanı 70,6 mıń km². Xalqı 14,5 mln. adam (1991). Bul jerde Alp tawlarınıń eń bálent jeri Sugchpitsse 2963 m-ge jetedi. Yanvardıń ortasha temperaturası 0 °C,—3 °C, iyuldiki +15 °C, +29 °C. Jıl dawamında 935 mm jawın jawadı.. Bavariyanıń terretoriyasınıń 1/3 bólegi toǵaydan ibarat, taw jaylawlıqlarınıń eń-kóp bólegi sol jerde jaylasqan. Ullı dárya Dunay hám sol jerden aǵıp ótedi. Bavariya GFR-diń industriyal-agrar jeri. Sanaatdıń mashın qurılısı, elektrotexnika, toqımashılıq, azıq-awqat, neft qaytadan islew sanaatları rawajlanǵan. Awıl xojalıǵında dánli eginler, qant, kartoshka hám basqa eginler egiledi. Mayn dáryasınıń boylarında júzimshilik penen hám shuǵılanıladı. Temir jollarınıń kóbisi elektrifikatsiyalastırılǵan. Dunay hám Mayn dáryalarında aǵım kúshli aǵadı. Bavariyada 3 úniversitet bar.

Derekler