Baxadir Razimbetov

Baxadir Razimbetov
Tiykarǵı maǵlıwmatlar
Tolıq atı	Razimbetov Baxadir Genjebaevich
Tuwılǵan	6.05.1987
Tuwılǵan jeri	Nókis, Qaraqalpaqstan
Qosıq túri	Pop-Qosıqshı
Kásibi	Artist, Qosıqshı
Instruments	Fortopiano, Gitara
Belsendi jıllar	2010—h.z

[[Fayl:|280px|súwret]]
Tuwılǵan sánesi	6-may 1987(1987-05-06) (36 jasta)

Baxadir Razimbetov — (tolıq atı qar. Razimbetov Baxadir Genjemuratovich, 1987-jılı 6-may kúni Qaraózek rayonında tuwilģan.) Qaraqalpaq estrada qosıqshısı.

Ómirbayanı

1987-jılı 6-may kúni Qaraózek rayonında dúnyaǵa kelgen. Shańaraqta tuńǵısh perzent. 2003-jılı Nókis qalasına kóship keledi hám házirgi kúnde Nókis qalasında jasap kelmekte. Ómirdegi uranı: Toqtamastan tek alǵa umtılıp jasaw. Baxadir 1994-jılı Qaraózek rayonı 26-sanlı ulıwma bilim beriw mektebine 1-klasqa oqıwǵa baradı. Mektepte 3-klasta oqıp júrgen Baxadir Jiyen Jıraw atındaǵı balalar muzika mektebinde ustazı Tamara Jańabaevadan Fortepiano shertiw sırların úyrenedi hám usı waqıttan baslap muzikaǵa degen qızıǵıwshılıǵı oyanadı. Mekteptiń 8-klasında oqıp júrgen waqıtları Sızıw páni boyınsha ótkerilgen tańlawda 2-orındı jeńip alǵan. Ol 2003-jılı ulıwma bilim beriw mektebiniń 9-klasın tabıslı tamamlap, payaxtimizdaǵı Nókis kórkem-óner kollejiniń “Teatr aktyorlıǵı” baǵdarına óz hújjetlerin tapsıradı hám oqıwǵa qabıl etiledi. Kollejde oqıp júrgen waqıtlarında Baxadir Razimbetov Dawitbay Qaipov esteligine arnalǵan “Búlbilziban” tańlawında “Eń jaqsı qosıqshı” nominatsiyası boyınsha siylıqlanadı. 3-kurs waqtında dramaturg Sapar Xojaniyazovtıń “Súymegenge súykenbe” muzikalı drama diplom spektaklinde Áwez rólin sheberlik penen atqaradı. Aktyorlıq sheberliklerin Jalǵas Sultabaev al, qosıq sırların Batır Embergenovtan úyrengen jas Baxadir sol waqıttan baslap-aq saxnalarda qosıqlar atqarıp óz dóretiwshiligindegi dáslepki qádemlerin qoydı. Aktyorlıqqa degen qızıwshılıǵı Baxadirdi Berdaq atındaǵı qaraqalpaq mámleketlik muzıkalı teatrına jeteledi. Baxadir:

Mekteptegi oqıwshılıq dáwirimde klasslarım menen qanday jaqın dos bolǵan bolsam házirge deyin sol doslıq sezimlerin saqlap kelmektemen. Eń baxıtlı kúnlerim sol dáwirde ótken bolıp, bul dawirimdi men hesh qanday baylıqqa almaspayman. Shańaraǵım muzikantlar shańaraǵı. Razimbetovlar yaǵniy muzikantlar shańaraǵı basshisi ákesi Razimbetov Genjebay 1961-jılı tuwılǵan bolıp Baxadirdiń tiykarǵı ómirdegi hám dóretiwshiliktegi haqiyqiy ustazı hám jaqın dostı.

Dóretiwshiligi

Meni úlken saxnaǵa alıp shıqqan «Seniń kózleriń» Baxadir eń dáslep Dálibay Mámbetmuratov tárepinen atqarılǵan «Seniń kózleriń» qosıǵın doslarınıń iltimasina kóre studiyada qayta islep esitip júriw ushın ǵana aytadi. Bul qosıqtı tarqatpastan tıńlawǵa kelisken doslardan kóp ótpey qosıq kópshilik ıqlasbentlerin tawıp olarǵa tarqaydi. Hám Baxadirdıń Baxadir Razimbetov bolıwına sebepshi boladı. ózi bilmegen halda ıqlasbentlerge iye bolǵan Baxadirge bul waqıya ele de dóretiwshilik etiw kerek ekenligin ańlatip, úlken juwapkershilik júkleydi. Kópshilik bul qosıqtan keyin Baxadir tárepinen bul dárejedegi qosıq ol tárepinen basqa dóretilmeydi (qolinan kelmeydi) dep oyladı hám qátelesti sebebi, «Seniń kózleriń» qosıǵınıń tekst avtorı shayır Saǵındıq Embergenov tárepinen jazılǵan, Ajiniyaz Paxratdinov tárepinen jazılǵan «Sulıwdı saǵınıp» qosıǵı kópshilik ıqlasbentlerine maqul tústi hám Baxadirdiń ıqlasbentleriniń sanınıń artıwına sebep boldı.  

Baxadir:

«Seniń kózleriń» meni dóretiwshilik penen shuǵıllanıwǵa májbúr etti. Hám men bul qosıqtan júdá minnetdarman. Házirde de onıń qosıqları xit dárejesine jetti desek qátelespeymiz. Baxadir Razimbetovtıń qosıqlarınan «Bir dana», «Saǵan heshkim jetpeydi, «Aqquw», «Qızǵanaman» hám taǵı basqa qosıqları jaslarımız tárepinen kóp tıńlanıp atır.

Jaqsı kórgen qosıqshıları: D.Mámbetmuratov (ustazi), G.Ayimbetova, M.Utemuratov, R.Xojasov.

Jetiskenlikleri

Estradamız qosıqshısı «Qaraqalpaqstan Respublikasina xizmet kórsetken artist», «Ardaqlaw 2015» hám «Xoshamet 2017» sıylıqları menen sıylıqlandı.