Beltaw
Beltaw (Bórshitaw) - Ámiwdárya hám Aqshadárya tarmaqlarınıń arasında Aral teńizinen túslik baǵıtta jaylasqan ústirtlik. Beltawdı qurawshı úshinshi dáwir teńiz shógindileri ústirtliktiń jer betine jaqın jaylasqan. Beltaw ústirtliginiń teńiz betinen biyikligi 120 metr menen 145 metrdiń arasında. Onıń eń bálent tóbeleri Beltawdıń túslik-batıs bóliminde. Beltawdıń janbawırları barlıq táreplerinde bergelkili emes. Ádewir tik janbawırları (tikligi 280-300) onıń túslik hám batıs táreplerinde, al arqa hám shıǵıs janbawırları ádewir qıya jaylasqan.
Derek
[redaktorlaw | derekti redaktorlaw]- Saypov A., Ataniyazova Q., Esenova I., Dawletbaev A. Qaraqalpaqstan tábiyiy geografiyası páni oqıtıwshılar ushın metodikalıq qollanba. -Nókis, 2022.