Depozitariy
Depozitariy — óz qarıydarlarınıń bahalı qaǵazların saqlawdı, saqlanıp atırǵan bahalı qaǵazlarǵa qarıydarlardıń menshik huqıqlarınıń esabın hám bul bahalı qaǵazlarǵa xızmet kórsetiwdi ámelge asıratuǵın shólkem.
Bankler, bahalı qaǵazlar bazarında professional isleytuǵın basqa da shólkemler, qánigelestirilgen depozitariy — kliring shólkemler tiyisli eldiń nızamlarına qaray depozitariyler bolıwı múmkin.
Depozitariy tómendegi wazıypalardı ámelge asırıwı múmkin:
- bahalı qaǵazlar emitentinen (reestr saqlawshıdan) deponentlerge (qarıydarlarǵa) hám deponentlerden emitentke (reestr saqlawshıǵa) bahalı qaǵazǵa iyelik etiwge baylanıslı informatsiya (maǵlıwmat) beriw;
- sońın ala deponentlerdiń bank schetına ótkerip depozitariyda saqlawlı bahalı qaǵazlar boyınsha dáramatlar alıw;
- deponentlerdiń bahalı qaǵazlarınıń minnetlemeler menen awırlasqan esabı;
- emitent penen shártnama boyınsha atamalı bahalı qaǵazlar reestrlerin júrgiziw;
- deponentlerdiń tapsırıwı boyınsha úshinshi shaxslarǵa bahalı qaǵazlardı beriw;
- bahalı qaǵazlardıń haqıyqıylıǵın hám tólem tólew uqıbın tekseriw;
- bahalı qaǵazlar boyınsha kliring;
- bahalı qaǵazlardıń inkassatsiyası hám tasıw;
- bahalı qaǵazlardı aynaldırıw shártlerine muwapıq olardı aylanıstan alıp taslaw;
- bahalı qaǵazlar menen pitimlerdi dizimge alıw.
Deponent (qarıydar, iyesi) bahalı qaǵazlardı saqlaw hám / yamasa depozitariyde saqlawlı bahalı qaǵazlar boyınsha huqıqlardıń kimge tiyisliligin esaplaw boyınsha depozitariydiń xızmetlerinen shártnama tiykarında paydalanatuǵın shaxs.