Diplomatiya

Diplomatiya — málim bir mámlekettiń basshılarınıń, húkimetleriniń hám arnawlı sırtqı baylanıs shólkemleriniń sol mámlekettiń sırtqı siyasatınıń maqset hám wazıypaların ámelge asırıw, sonıń menen birge, sırt elde mámleket máplerin qorǵaw boyınsha iskerligi. Ol mámleketlerdiń sırtqı siyasatın ámelge asırıw quralı bolıp tabıladı. Diplomatiya anıq shárayatlar hám wazıypalardıń xarakterin esapqa alǵan halda qollanılatuǵın ámeliy ilajlar, usıllar hám metodlardı ózine qamtıydı.