Dublin

Úlgi:MaʼnolariDublin — Irlandiya paytaxtı. Irlandiya atawınıń shıǵısında, Liffi dáryasınıń Dublin qoltıǵına quyılıw jerinde jaylasqan. Xalqı 953 mıń adam (1996, qala átirapı menen). Temperaturası teńiz temperaturası. Iyuldıń ortasha temperaturası 15-17°, yanvardiki 5°, jılına 842 mm jawın jawadı. Dublin haqqında dáslepki maǵlıwmat Irlandiya dereklerinde 291-jıldan ushraydı. 9 -ásirden Dublindi normannlar basıp alǵan. 1170-jılda ingliz-normann feodalları qolına ótti. 1922-jıldan mámleket paytaxtı. Dublin mámlekettiń sıyasıy, ekonomikalıq hám mádeniy orayı. Transport jolları túyini, Irlandiya teńiz jaǵasındaǵı mámlekettiń eń iri portı. Xalıq aralıq aeroportı bar. Dublin portı arqalı shetke sharwa buyımları, gósh, teri hám basqa awıl xojalıq ónimleri shıǵarıladı. Sanaatınıń jetekshi tarmaqları - azıq-awqat (pivo pisiriw, viski tayarlaw, gósh konserva hám b.) hám jeńil sanaat. Toqımashılıq (17-ásirden poplin toqıw menen ataqlı), tigiwshilik, kán-teri, jún kárxanaları bar. Ximiya, kemesazlıq, mashinasazlıq (elektrotexnika, priborsazlıq, awıl xojalıǵı mashinasazlıǵı), qurılıs sanaatı tarmaqları rawajlanǵan. Arxitekturalıq esteliklerden Dublin sarayı - házirgi Ádillik sarayı (13-ásir), Kraystcherch shirkewi (1038), Sent-Patrik soborı (1190), ratusha (1769) hám basqa saqlanǵan. Dublin universiteti (1591), Milliy universitet, Korollik muzika akademiyası, kitapxanalar, muzeyler, haywanat baǵı, Milliy galereya (1864), teatrlar bar.

Ádebiyat

• OʻzME. Birinshi tom. Tashkent, 2000-jıl

<meta content="uz" http-equiv="content-language" /> <meta content="Accept,Accept-Language" http-equiv="vary" />