Eminem

Eminem
Eminem
	Lua error Module:Wikidata moduli ishindegi 124 jolında: Bahanı kórsetiw ushın funkciya tabılmadı ..
Ulıwma maǵlıwmatlar
Tuwılıwı	1972-jıl 17-oktyabr
Ólimi
Puqaralıǵı	AQSh
Kásibi	Reper
Ómirlik joldası	Kimberli Enn Skott
Balaları	3
Janr	hip hop music, hardcore hip hop, Midwest hip hop, horrorcore, comedy hip hop hám dirty rap
Iskerlik jılları	1988-jıldan házirge shekem
Sayt	https://www.eminem.com/

Marshall Bruce Mathers III (aytılıwı: Marshall Brus Mazers) Eminem laqapı astında belgili amerikalıq reper, prodyuser, kompozitor hám aktyor. Slim Shady atlı alter egosı bar. Jeke atqarıwshı dóretiwshiliginen tısqarı, Eminem óziniń D12 toparı hám Meets Evil dueti aǵzası ham bolıp tabıladı. Eminem jáhánde eń kóp tıńlawshıǵa iye qosıqshılardan biri, 2000-jıllarda eń kóp albomı satılǵan artist atandı. Sol qatarı jurnallar, atap aytqanda "Rolling Stone" tárepinen eń tanıqlı artistler dizimine kiritilgen. "Rolling Stone" oǵan „Hip Hop patshası“^[1] ataǵın bergen. Eminem Billboard albomlar charti shıńın on ret iyelegen.^[2] Onıń albomları dúnyada 115 millionnan artıq nusqada satılǵan. Qurama Shtatlardıń ózinde 49,1 million albom hám 42 million trek satqan.^[3]

1996 -jıl avgustında óziniń birinshi ǵárezsiz "Infinite" albomın shıǵarǵan Eminem úlken ataqqa 1999 -jıl fevralında shıqqan "The Slim Shady LP" albomı menen eristi. Albom Eminemǵa birinshi "Grammy" ^[4]sıylıǵın keltirdi. "The Slim Shady LP"dan keyin 2000-jıl mayında "The Marshall Mathers LP" hám 2002-jıl mayında "The Eminem Show" shıǵıp, olardıń ekewi de "Eń jaqsı rep albom" nominaciyasında "Grammy" sıylıǵın aldı, nátiyjede Eminem sol nominaciyada izbe-iz úsh márte sıylıq alǵan dáslepki artist boldı. 2004-jıl noyabrinde "Encore" albomı shıqtı. 2005-jıl koncertinen keyin Eminem demalısqa shıqtı. 2009-jıl mayında "Relapse" atlı altınshı albomın shıǵardı. 2010-jıl iyunında Eminem jetinshi "Recovery" albomın shıǵardı. "Recovery" tabıslı bolıp, 2010-jıldıń eń kóp satılǵan albomı boldı. Eminem "Relapse" hám "Recovery" ushın taǵı "Grammy" alıp, "Grammy" sıylıqları sanı 13 ke jetti. 2013-jıl noyabrinde onıń segizinshi, "The Marshall Mathers LP 2" albomı shıǵarıldı.

Eminem basqa jumıslar, atap aytqanda óziniń "Shady Records" studiyası, "Shade 45" radiokanalı menen de shuǵıllanadı. 2002-jıl noyabrinde Eminem "8 Mile" atlı hip-hop drama filminde súwretke tústi. Sol film soundtregi ushın Akademiyalıq Oscar^[5] sıylıǵın alıp, bul sıylıqtı alǵan birinshi reper boldı. Ol sonıń menen birge "The Wash" (2001), "Funny People" (2009 ) filmlerinde hám "Entourage" teleserialında rol oynaǵan.

Ómiri[redaktorlaw | derekti redaktorlaw]

Marshall Bruce Mathers III 1972-jıl 17-oktyabrde St. Joseph qalasında tuwılǵan, 12 jasında shańaraǵı menen Detroytdıń Istsayd rayonına kóship ótedi. Ol mudamı sabaqlardı qaldırıp, mektep asxanasında rep-fristaylların shólkemlestiretuǵın edi hám mudamı utatın edi.^[6]