Esjan baqsı

Esjan baqsı (1904-1952) — qaraqalpaq xalqınıń 20-ásirdegi ataqlı baqsılarınıń biri. Wol ataqlı Qıdırniyaz baqsınıń shákirti. Yesjan baqsı uzaq jıllar dawamında radiokomitette isledi, xalıq namaların sheber atqarıwshılardıń biri boldı. Wol ásirese Shernazar baqsı, Muwsa baqsılardıń namaların sheberlik penen atqaqıwshı bolǵan. Woǵan "Ózbekstan xalıq artisti" húrmetli ataǵı berildi. Yesjan baqsınıń namaları házirgi jas baqsılar tárepinen sheber atqarılmaqta. Yesjan baqsı tuwralı "Qaraqalpaqfilm" kinostudiyası tárepinen hújjetli film súwretke alınǵan. Nókiste wonıń atına kóshe qoyılıp, wólmes namaları xalıqqa xizmet etiwin dawam yetpekte.