Faner

Faner (frans. fournir — ústi-ústine qoyıw ) — juqa aǵash shponlar (qatlamlar) dı qatlam-qatlam etip jabıstırip tayarlanǵan qurılıs materialı. F. shponları aǵash doǵalaqlardı tarap jonıw, pıshqılap tiliw hám jonıw usıllarında tayarlanadı. Doǵalaqtı jonıw usılı keń tarqalǵan. Bul usılǵa kóre, puwlanǵan yamasa qaynatılǵan ǵula arnawlı stanok shpindellarǵa qıstırıp aylandırıladı. Doǵalaq oǵına parallel ornatılǵan uzın tıyıq (pıshaq) aylanıp atırǵan doǵalaqqa jaqınlastırılsa, odan juqa qatlam (shpon) julınıp ajıralıp shıǵadı. Payda bolǵan qatlam bóleklenip qırqıladı hám qurǵatıladı. Qurǵaǵan shponlar qatlam-qatlam etip jelimlenedi. F. qatlamları qayın, qara aǵash, qaraǵay, dub hám basqa terek doǵalaqlarınan tayarlanadı. F. diń qańıltır oralǵan, otqa hám suwǵa shıdamlı túrleri de boladı. Islep shiǵarılatuǵın F. dıń standart qalıńlıǵı 1-19 mm, eni hám boyı 725-2440 mm di quraydı. F. qurılıs, avtomobilsazlıq, vagonsazlıq, kemasazlıq, samolyotsazlıq, mebel sanaatı, televizorlar islep shıǵarıw hám basqalarda qollanıladı (Aǵashsazlıq sanaatına qarań).

Derekler

ÓzME, Birinshi tom, Tashkent, 2000-jıl