Fenolformaldegid smolalar
Fenolformaldegid smolalar — fenol menen formaldegidtiń polikondensatlanıwınan payda bolǵan ónimler. Baslanǵısh elementler muǵdarınıń qatnası hám ortalıqtıń rN ǵa (Vodorod kórsetkishke qarań) qarap reakciya nátiyjesinde tek qosımsha ximiyalıq reagentler qatnasıwında qatatuǵın fenolformaldegid smolalar (novoloklar) yamasa hesh qanday reagentler qatnasıwısız qatatuǵın fenolformaldegid smolalar (rezollar) payda bolıwı múmkin. Fenolformaldegid smolalar ıssıǵa hám suwıqqa shıdamlı, elektro izolyacion qásiyetke iye, spirt hám acetonda eriydi, reńi ashıq sarıdan toq qońır reńge deyin bolıp, quyash nurı tásirinde yamasa islep shıǵarıw processinde toq qońır, hátteki qara reńge ótedi. Fenolformaldegid smolalar fenoplastlar, jelimler hám laklar islep shıǵarıwda qollanıladı.
Derekler
[redaktorlaw | derekti redaktorlaw]ÓzME, Birinshi tom, Tashkent, 2000-jıl
 | Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |