Gulistan Annaklıcheva
| Gúlistan Annaklichyeva | |
|---|---|
| Tuwılǵandaǵı atı | Gúlistan Annaklichyeva |
| Tolıq atı | Gúlistan Ahmedovna Annaklichyeva |
| Tuwılǵan sánesi | 1948 |
| Tuwılǵan jeri | Qaraqalpaqstan, ÓzSSR |
| Puqaralıǵı |
 Ózbekstan |
| Oqıǵan jeri | Tashkent Mámleketlik universiteti, Ukraina Kommunistlik partiyası Oraylıq Komiteti qasındaǵı Joqarı partiya mektebi |
| Ataqları | „Jáhán xalıqları kórkem óneri laureatı“ (2002) |
Gúlistan Ahmedovna Annaklichyeva (Qaraqalpaqstan, Ózbekstan SSR, SSSR, 1948-jıl) — ózbek jurnalisti, jazıwshısı, shayırası, awdarmashısı hám siyasatshısı, Qaraqalpaqstan xalıq shayırası[1], „Qaraqalpaqstan tańı“ (russha „Рассвет Каракалпакстана“) hám „Qaraqalpaq ádebiyatı“ (russha „Каракалпакская литература“) gazetalarınıń bas redaktorı, Ózbekstan Respublikası Oliy Májilisi senatorı.
Ómiri[redaktorlaw | derekti jańalaw]
Gúlistan Ahmedovna 1948-jılda tuwılǵan. Tórtkúl qalasındaǵı 11-sanlı orta mektepti, 1973-jılda Tashkent Mámleketlik universitetiniń jurnalistika fakultetin tamamlaǵan. Keyin ol Ukraina Kommunistlik partiyası Oraylıq Komiteti qasındaǵı Joqarı partiya mektebinde oqıǵan[2][3].
2015-jıl yanvar ayınan baslap Gúlistan Ahmedovna Ózbekstan Respublikası Oliy Májilisi aǵzası (senatorı)[3], 2018-jıldan baslap Ózbekstan Respublikası Oliy Majilisi Senatınıń Byudjet hám ekonomikalıq reformalar komitetiniń aǵzası, „Qaraqalpaqstan tańı“ gazetasınıń bas redaktorı bolıp islegen[4]. 2020-jıldan Ózbekstan Respublikası Oliy Májilisi Senatınıń Qorǵaw hám qawipsizlik máseleleri komiteti aǵzası, „Qaraqalpaq ádebiyatı“ gazetasınıń bas redaktorı lawazımlarında óz iskerligin júrgizgen[5].
Dóretiwshiligi[redaktorlaw | derekti jańalaw]
40 qa jaqın poeziyalıq hám prozalıq kitapları, qosıqları, gúrrińleri, ocherkleri baspadan shıqqan[2]. 2002-jılda Gúlistan Ahmedovna „Jáhán xalıqları kórkem-óneri“ awqamı keńesi qararı menen „Jáhán xalıqları kórkem-óneri laureatı“ menen sıylıqlanǵan[1]. Shayıranıń saylandı shıǵarmaları 2002-jılda Turkiyadaǵı qosıqlar almanaxında, 2004-jılda Germaniyadaǵı Shıǵıs shayırları qosıqlar toplamı-almanaxında, 2010-jılda bolsa onıń publicistikalıq dóretpeleri hám qosıqları Moskvadaǵı „Dúnya xalıqlarınıń jaratılıwı“ gazetasında jarıq kórgen.
Gúlistan Ahmedovna Aleksandr Blok, Anna Ahmatova qosıqların ózbek tilinen qaraqalpaq tiline, qaraqalpaq tilinen ózbek tiline awdarmalaǵan[1].
Sıylıqları[redaktorlaw | derekti jańalaw]
- 2002-jıl — Moskvadaǵı „Jáhán xalıqları kórkem óneri“ awqamı basqarıwı qararı menen „Jáhán xalıqları kórkem óneri laureatı“ menen sıylıqlanǵan[1].
Derekler[redaktorlaw | derekti jańalaw]
- ↑ 1,0 1,1 1,2 1,3 „Гулистан Матякубова“ (ru). «Стихи.ру».
- ↑ 2,0 2,1 „Аннаклычева (Матякубова) Гулистан Ахмедовна“ (ru). ЦентрАзия.
- ↑ 3,0 3,1 „Вновь избранные сенаторы: кто они?“ (ru). Газета.uz (16-yanvar 2015-jıl).
- ↑ „2053-III-сон 05.10.2018. Об образовании Межпарламентской группы Олий Мажлиса Республики Узбекистан по сотрудничеству с Национальным собранием Республики Польша“ (ru). lex.uz.
- ↑ „319-IV-сон 10.06.2020. О создании совместной комиссии Олий Мажлиса Республики Узбекистан по сотрудничеству с Парламентом Казахстана“ (ru). lex.uz.