Gúljáhán Qarlıbaeva
| Qarlıbaeva Gúljáhán Ermekbaevna | |
|---|---|
 | |
| Tuwılǵan sánesi | 21-aprel 1978-jılı (47 jasta) |
| Tuwılǵan jeri | Nókis, Qaraqalpaqstan |
| Ilimiy dárejesi | pedagogika pánleri doktorı (2019) |
| Ilimiy ataǵı | professor |
| Belgili tezis(ler)i | «Fizika oqıtıwshılarınıń metodik tayyarlıgın jetilistiriw» |
| Sıylıqları | «Ózbekstan Respublikası Xalıq tálim bilimdanı» (2014) |
Gúljáhán Ermekbaevna Qarlıbaeva (1978-jıl 21-aprel, Nókis, Qaraqalpaqstan ASSR, Ózbekstan SSR) — qaraqalpaqstanlı hám ózbekstanlı alıma, pedagogika pánleri doktorı, professor.
Ómirbayanı
[redaktorlaw | derekti redaktorlaw]Gúljáhán Qarlıbaeva 1978-jıl 21-aprelde Nókis qalasında tuwılǵan. 1995-jıl Berdaq atındaǵı Qaraqalpaq mámleketlik universitetiniń fizika-matematika fakultetine oqıwǵa kirip, 1999-jıl usı fakultettiń fizika bakalavr jónelisin tamamlaydı. 2003-jılda bolsa universitettiń «Yarım ótkizgishler hám dielektrikler» qánigeligi boyınsha magistratura basqıshın tamamlaǵan[1]. 2001, 2005-jıllarda Nókis transport kásip-óner kolledji fizika páni oqıtıwshısı, 2005, 2013-jıllarda Nókis mámleketlik pedagogika institutınıń «Ulıwma fizika» kafedrasına assistent oqıtıwshısı, 2013, 2022-jıllarda «Fizika oqıtıw metodikası» kafedrası docenti lawazımında isledi. 2022-jılda «Fizika oqıtıw metodikası» kafedrası professorı.
Ilimiy iskerligi
[redaktorlaw | derekti redaktorlaw]2012-jıl 15-martta «Innovciyalıq tálim texnologiyaları shárayatında fizika oqıtıwshısınıń metodikalıq tayarlıǵın qáliplestiriw» temasında kandidatlıq jumısın qorǵap, pedagogika pánleri kandidatı ilimiy dárejesin aladı. 2014-jıl 18-avgustta «Ózbekstan Respublikası Xalıq tálim bilimdanı» kókirek nıshanı menen sıylıqlanadı. 2017-jıl 15-dekabrde Ózbekstan Hayal-qızları «Alıma» awqamı tárepinen shólkemlestirilgen «Ilim juldızları» IV Respublika intellektuallıq kórik-tańlawında qatnasıp, «Eń sheber ilim iyesi» nominatsiyası jeńimpazı boldı. 2019-jıl 30-dekabrden pedagogika pánleri doktorı. Doktorlıq dissertaciya jumısın «Fizika oqıtıwshılarınıń metodik tayyarlıgın jetilistiriw» temasında bolǵan. 2021-jılda «Ózbekstan Respublikası Ǵárezsizligi 30 jıllıǵı» estelik nıshan menen sıylıqlanǵan.