Wikipedia, erkin enciklopediya
Gúlxatiysha Aymanovna Ayımbetova (1961. 24. 12, Taxtakópir rayonı ) - qosıqshı, Qaraqalpaqstan (1999 ) hám Ózbekstan (2000) xalıq artisti. J. Shamuratov atındaǵı Nókis mámleketlik kórkem óner bilim jurtın tamamlaǵan (1983). 1980-81-jılları Berdaq atındaǵı Qaraqalpaqstan mámleket filarmoniyası janındaǵı " Ayqulash" ansambli, 1981-jıldan " Ámiw tolqını" ansamblinde qosıqshı. Shıńǵırlaytuǵın, keń diapazonlı, jaǵımlı dawısqa iye. Repertuarınan qaraqalpaq xalıq qosıqları (" Muwsa sen yarı", " Nazlınıń", " Jaqsıraq", " Ne bilsin" hám basqalar ), qaraqalpaq kompozitorları dóretpeleri (" Keń dala", " Ata mákan" N. Muxammeddinov; " Watan", " Ana topıraǵım", " Ózbekstan", Q. Xilalov hám basqalar ) orın alǵan. A. dıń kópshilik qosıqları Qaraqalpaq radiosi fonotekası hám gramplas-tinkesı (" Gúlxatiysha Ayımbetova atqaradı", 1982 hám basqalar ) ǵa jazıp alınǵan.
