Giperbola
Giperbola—Grek sózi hyperbola—hádden tıs asıra súwretlew) kórkem ádebiyatta zattı yamasa belgili bir hádiyseni, shıǵarmanıń qaharmanın hádden tıs asıra súwretlew. Súwretlewde salıstırılatuǵın nárse de, salıstırılıp atırǵàn nárse de óz qásiyetinen artıqmash asırıp kórsetiledi, sol arqalı avtor aytayın degen pikirine dıqqat awdarıwdı hám onı tásirli kórsetiwdi maqset etedi. Giperbolalıq súwretlew ayrıqsha xalıqtıń poetikalıq dóretpesinde, tımsal hám satiralıq shıǵarmalarda jiyi ushıraydı. Mısalı: Astına mingen Májnún at, Artqı ayaǵın tiredi, Alǵı ayaǵın keredi Orpań jerde oynadı, Qumlı jerde ırǵıdı, Qarshıǵaday qayqayıp, Gá ushıp, gá qonadı. («Máspatsha» dástanınan)