Kontentke ótiw

Ibis tárizliler

Wikipedia, erkin enciklopediya

Ibis tárizliler (Ibididae yamasa Threskiornithidae) — láylek tárizliler klası. Tumsıǵı uzın, oraqqa uqsap tómenge iyilgen (qarabaylar ) yamasa tuwrı hám tegis, ushı gúrekke uqsas keńeygen (qasıq murınlılar ). Moynı hám ayaqları uzın, basınıń bir bólegi, geyde moynı pátsiz. Aldınǵı barmaqlarınıń tiykarında qalash perdesi bar. Kópshilik túrleri dawıs shıǵarmaydı. 20 urıwı, 32 túri bar. I. tropik hám ortasha ıqlımlı úlkeliktegi suw háwizlerinde jasaydı. Ózbekstanda 2 túri: qasıqmurın (Plataleo leucorodia) hám qarabay (Plegadis falcinellus) Aral teńizi boyında hám Ámiwdáryanıń tómengi aǵımındaǵı kólde ushırasadı. Qamıslar arasında gruppa bolıp uya quradi. Uyaǵa 2—3 máyek qoyadı. Shıbın-shirkeyler, qurtlar, mollyuskalar, mayda balıqlar, qurbaqalar menen azıqlanadı.


Derekler[redaktorlaw | derekti redaktorlaw]

ÓzME, Birinshi tom, Tashkent, 2000-jıl