Járdem:Izlew

MediaWiki saytında maǵlıwmattı tabıwdıń eń operativ usılı onı tuwrıdan-tuwrı izlew bolıp tabıladı. Hár bir bette izlew ketekshesi bar.

Gilt sózler hám sóz dizbegilerin kiritiń hám Kiriw yamasa Qaytıw dı basıń yamasa úlkenlestiriwshi ayna belgisin basıń (yamasa basqa skinlardan paydalanǵanda Izlew yamasa Ótiw túymesin basıń). Eger bettiń ataması siz kirgizgen sóz benen birdey bolsa, siz tuwrıdan-tuwrı sol betke o'tesiz. Keri jaǵdayda, ol Wikidaǵı barlıq betlerdi izleydi (ayırım sheklewler menen, tómende kóriń) hám izlew shártlerine sáykes keletuǵın maqalalar dizimin kórsetedi yamasa hesh bir bette kirgizilgen gilt sózler hám sóz dizbekleri joqlıǵı haqqında xabar beredi.

Bul qalay isleydi? Ol Wikidaǵı barlıq betlerdi ayırım sheklewler menen izleydi.

Maqalanıń kontenti óziniń islenbegen (Wikitekst) formasında izlenedi - yaǵnıy "redaktorlaw" túymesin basqanıńızda redaktorlaw aynasında kórsetilgen betti emes, bálkim tekstti izleydi. Bul sonı ańlatadı, qosılǵan shablonnan keletuǵın kontent alınbaydı, biraq tik sızıqlı siltemeler alınadı. Izlew funkciyası bos aralıq yamasa basqa irkinish belgileri menen ajıratılǵan pútin sózler ústinde isleydi dep esaplaw múmkin. Solay etip, eger izlew sózińiz 'kitap' sózi bolsa, nátiyjeler quramında tek 'kitaplar' yamasa 'kitaptı' sózleri bolǵan, biraq 'kitap' sózi ushıraspaytuǵın betlerdi óz ishine almaydı. Tap sonday, izlew sózińiz 'aralıq' terminin óz ishine alǵan jaǵdayda, nátiyjeler ishinde tek 'xalıqaralıq' sózi bolǵan betlerdi óz ishine almaydı da, biraq tire belgisi menen ajıratılǵan 'xalıq-aralıq' termini bolǵan betlerdi alıwı múmkin. Nátiyjeler tekǵana izlewdegi bárshe sózlerdi óz ishine alǵan betlerdi qamtıydı. Siz sóz bóleklerin (*) belgisi járdeminde izlewińiz múmkin, solay etip kitap* dep izleseńiz, kitap hámde kitaplar ushın nátiyje beredi. Biraq bul qımbatıraq operaciya. Siz qostırnaq járdeminde sóz dizbegin izlewińiz múmkin. Bunda bir sóz dizbegin pútin sózlerden ibárat dep esaplaw múmkin, sol sebepli 'Premer Ministr' sóz dizbegin "mer Min" kórinisinde izlew arqalı tabıw ilajsız, lekin "Premer Ministr" dep izlew arqalı tabıwǵa boladı.

Izlewdi sheklew Eger siz heshnárse jazbay "Izlew" túymesin bassańız, siz "Arnawlı:Izlew" bólimine ótesiz, bul sizge qosımsha izlew múmkinshiliklerin beredi (sonıń menen birge, bul qolaylıq qálegen izlew nátiyjeleri diziminde de bar)

Múmkin izlewdi málim bir atamalar maydanı ishindegi betler menen sheklep qoyıw paydalı bolıwı múmkin, mısalı, tek Paydalanıwshı betlerinde izlew. Bunday izlew ushın kerekli atamalar maydanların tekseriń.