Járdem:Navigaciya

Wikipedia betlerinde sizge kórsetiletuǵın tiykarǵı maǵlıwmatlardan tısqarı basqa betlerge tez ótiw múmkinshiligi de bar. Bul «navigaciya» dep ataladı. Wikipediadaǵı hár bir bette tiykarǵı úsh navigaciya elementi bar:

1. Qaptal panel: bul navigaciya elementi ornatılǵan skinge baylanıslı bettiń shep yamasa bir waqıttıń ózinde shep hám oń shetlerinde jaylasıp, sizge eń zárúrli betlerge tez kiriw múmkinshiligin beredi. Qaptal paneldiń barlıq parametrlerin kóriw ushın Wikipedia sistemasına kiriwińiz talap etiledi.
2. Bet tabları: bular házirgi kórinip turǵan betke baylanıslı is-háreketler ushın arnalǵan bolıp, ashıq turǵan betke tiyisli ámellerge siltemelerdi óz ishine aladı.
3. Paydalanıwshı siltemeleri: siz anonim paydalanıwshı sıpatında Akkaunt jaratıw yamasa Kiriw siltemelerin kóresiz. Al akkaunt arqalı kirgen paydalanıwshı bolsańız, sizde jeke siltemeler jıyındısı bar boladı.

Hárbir bet standart navigaciya elementlerine qosımsha óziniń siyrek gezlesetuǵın maǵlıwmatlarına iye bolıp, olar sol bettiń úlkenlew bas maydanında payda boladı. Ádette bul maǵlıwmat ishinde basqa betlerge siltemeler boladı.

Bul bette tiykarınan MonoBook hám Vector skinleri («skin» - sayttıń sırtqı kórinisi) paydalanıladı. Basqa skinlerden paydalanǵanda sırtqı kórinis ózgeshe bolıwı múmkin.

Qaptal panel

Qaptal panel bettiń oń yamasa shep qaptalında kórsetiledi (eger MonoBook yamasa Vector skininen paydalansańız). Bul qaptal panel sizge Wikidegi zárúrli betlerge kiriw imkaniyatın beredi, mısalı, Aqırǵı ózgerisler yamasa Fayldı júklew betlerine.

Navigaciya

Logotiptiń ústine basıw arqalı sizdi Wikidiń Bas betine qaytasız. Tómendegi Navigaciya bólimindegi siltemeler sizdi Wikidiń zárúrli betlerine aparadı. Bul siltemeler sayt administratorları tárepinen sazlanıwı múmkin.

Ásbaplar

Bul jerde ásbaplar siz kórip atırǵan bettiń túrine qaray ózgerip turatuǵın tańlamalı siltemelerdi óz ishine aladı.

Barlıq betlerde (arnawlı betlerden tısqarı)

• «Siltelgen betler» sizdi házir ashıq turǵan betke siltemeni óz ishine alǵan sol Wikidaǵı betler dizimine aparadı. Bul házir ashıq turǵan betke baylanıslı maǵlıwmatlardı izlegenińizde payda beredi. Jáne «siltelgen betler» maǵlıwmatı Wikibetlerdi qayta tiklewde hám ámeldegi betke siltemeler bul bettegi ózgerislerden keyin de orınlı ekenligin teksergende kerekli bolıwı múmkin.
• Keyingi, «baylanıslı ózgerisler» quralı ámeldegi betke baylanısqan betlerdegi barlıq sońǵı ózgerislerdi sanap ótedi. Barlıq úlgi betlerinde islengen sońǵı ózgerisler nátiyjelerdi kórsetiwshi betler dizimine kirgizilgen. Paydalanıwshı sazlamalarında ornatılıwı múmkin bolǵan «Kishi dúzetiwlerdi jasırıw» opciyası, basqa zatlar qatarı, «baylanıslı ózgerisler» ushın da isleydi.

Barlıq betlerde (sonıń ishinde arnawlı betlerde de)

• Qaptal paneldegi «fayldı júklew» sistemaǵa kirgen paydalanıwshılarǵa súwret hám basqa fayllardı Wikige júklew imkaniyatın beretuǵın arnawlı betti kórsetedi. Júklengen fayllardı Wikibetler menen silteme arqalı baylanıstırıw yamasa bettiń ishine qosıw múmkin. Fayldı júklew qosılmaǵan bolsa, bul silteme kórsetilmeydi.

Fayllardı júklew, serverdegi fayllardı kóriw, atap aytqanda, olardı wikibetlerde kóriw hám júklengen fayllardı basqarıw usı qollanbanıń fayllardı basqarıw bóliminde talqılanadı.

• Keyingi, «arnawlı betler» quralı MediaWikidiń arnawlı betlerin kórsetedi. MediaWiki terminologiyasında «arnawlı bet» degeni Wiki haqqındaǵı maǵlıwmatlardı usınıs etetuǵın hám/yáki Wikidi basqarıw háreketlerine kiriwge ruxsat beretuǵın bet bolıp tabıladı. Mısalı, Wikide registraciyadan ótken paydalanıwshılar dizimi, betler sanı hám betke kirgizilgen ózgerisler sanı sıyaqlı Wiki haqqındaǵı statistikalıq maǵlıwmatlar, sistemalıq jurnallar, óshirilgen betler dizimi hám basqalar. Bul arnawlı betlerdiń quramı arnawlı bet júklengende avtomatikalıq túrde payda boladı.

Standart arnawlı betlerdiń funkciyası hám paydalanılıwı haqqında bul qollanbanıń «arnawlı betler» bóliminde tanısıw múmkin.

Bet tabları

Bet tabları bettiń joqarısında, sayt logotipiniń oń qaptalında jaylasqan (eger MonoBook yamasa Vector skininen paydalansańız). Bul tablar belgili háreketlerdi orınlaw yamasa ámeldegi betke tiyisli qosımsha betlerdi kóriw imkaniyatın beredi. Ámeldegi standart háreketlerge tómendegiler kiredi: házir ashıq turǵan betti kóriw, redaktorlaw hám talqılaw. Siziń wiki betlerińizde kórsetiletuǵın arnawlı tablar siziń wikige kirgenligińiz yamasa kirmegenligińizge hámde wikide sistema operatorı (administrator) jeńilliklerine iye ekenligińizge baylanıslı. Arnawlı wiki betlerde tek atamalar kópligi tabı kórsetiledi.

Maqala, Talqılaw, Tariyxın kóriw, Oqıw hám, eń áhmiyetlileri, Redaktorlaw (Vizual Redaktor járdeminde) hám Derekti redaktorlaw

Barlıq paydalanıwshılar ushın standart tablar

• "atamalar kópligi" (bet, járdem, arnawlı bet, úlgi, paydalanıwshı beti hám t.b. )
• "talqılaw"
• "redaktorlaw" (eger anonim redaktorlaw óshirilgen bolsa "kodın kóriw"di oqıwı múmkin, bet MediaWikide: atamalar kópligi yamasa bet qorǵalǵan)
• "tariyx"

Sistemaǵa kirgen paydalanıwshılar ushın qosımsha tablar

• "kóshiriw"
• "baqlaw"

Sistema operatorları (administratorlar) ushın qosımsha tablar

• "qorǵaw"
• "óshiriw"

Administratorlar JavaScriptten paydalanıw yamasa keńeytpelerdi ornatıw arqalı tablardı qosıwı yamasa óshiriwi múmkin, sol sebepli siz kóretuǵın tablar siz qaysı wikiden paydalanıp atırǵanıńızǵa qaray hárqıylı bolıwı múmkin.

Paydalanıwshı siltemeleri

Paydalanıwshı siltemeleri bettiń joqarǵı oń bóleginde kórsetiledi (eger standart Vector skini isletilse). Bul tablar sistemaǵa kirgen paydalanıwshıǵa óziniń jeke betin hám wiki sazlamaların kóriwge hám redaktorlawǵa imkan beredi. Bunnan tısqarı, paydalanıwshı siltemeleri oǵan wikige óz úleslerine tez kiriwge hám sistemadan shıǵıwǵa imkan beredi.

Anonim paydalanıwshılar ushın paydalanıwshı siltemeleri wikige kiriw betine silteme yamasa (nabada sayt administratorı tárepinen qosılǵan bolsa) siziń IP mánzilińizge hám IP mánzilińizdiń talqılaw betine silteme menen almastırıladı.

Paydalanıwshı atı

Bul siziń paydalanıwshı betińizge silteme bolıp, ol jerde siz ózińiz haqqıńızda maǵlıwmatlar qosıwıńız, eslep qalıw zárúr bolǵan maǵlıwmatlardı yamasa basqa zatlardı saqlawıńız múmkin.

Eskertiwler

«Qońıraw» belgisi arqalı ańlatılǵan bul silteme arqalı siz ózińizge kelgen eskertiwler toplamı menen tanısıwıńız múmkin.

Xabarlar

«Konvert» belgisi menen berilgen bul silteme sizge kelgen xabarlar jıynaǵın kóriw ushın arnalǵan.

Talqılaw

Bul siziń talqılaw betińizge alıp barıwshı silteme bolıp, ol jerde adamlar siz ushın xabarlar jazıp qaldırıwı múmkin.

Sazlawlar

Sizge jeke sayt sazlawlarıńızdı ózgertiwge múmkinshilik beriwshi silteme bolıp esaplanadı.

Ekilemshi

Ekilemshi sazlawlarıńız betine usı silteme kómeginde ótiwińizge boladı.

Baqlaw dizimim

Siz baqlap baratırǵan barlıq betler dizimin kórsetiwshi silteme bolıp easplanadı. Qaysı bir betti bul dizimge qosıw ushın, sol bettiń joqarı bólegindegi «Bes juldız» (Baqlaw) belgisin basıw tiyis.

Úlesim

Wikiǵa qosqan bárshe úleslerińiz dizimi. Bunda qosqan úleslerińiz bılayınsha toparlarǵa bólingen: Úleslerim - ), Mazmun awdarıw arqalı islengen awdarmalarıńız (Úlesim -> Awdarmalar) hám júklegen fayllarıńız dizimi (Úlesim -> Júklengen media);

Shıǵıw

Wikiden shıǵıw ushın usı siltemeni basıń.