Júzlik salmaq

Júzlik salmaq - toy-merekelerde awıldıń qız-jigitleri jıynalısıp, otırıstı qızıqlı otkeriw maqsetinde, bir jerde otırıp oynaytuǵın, mazmun-mánisi kúlkili, xázil-dálkegi basım oyınlardı, ádep-ikramlılıq mánisindegi, tapqırlıq, shaqqanlıqtı talap etetuǵın oyınlardı oynaǵan. Sonday oyınlardıń biri-"Júzik salmaq" oyını.

OYIN QAǴIYDASI:

«Júzik salmaq» oyınına qatnasatuǵın qız-jigitler ekige bólinip qatarlasıp otıradı. Oyın baslawshı jigit ya qız ortaǵa shıǵadı. Oyın baslawshınıń qolında júzigi boladı. Ol sol júzikti qatara qolların tutıp otırǵan jigit-qızlardıń qollarına birme-bir juuırtıp, otırǵanlardıń bireuiniń alaqanına salıuı kerek.

Alaqanına júzik salınǵan adam qasındaǵı qońsısına sezdirmeui kerek. Júzik salıp shıǵıu bólimi tamamlanǵan soń, oyın baslaushı ortada turıp:

"Bir, eki, úsh, júzigim meniń tús",--degen uaqıtta, alaqanına júzik salınǵan adam shaqqanlıq penen ushıp turadı. Eger qasındaǵı qońsısı alaqanında júzik bar ekenin bilse, onı turǵızbay uslap qaladı. Yamasa, tez turıp kete almay, qozǵalǵan uaqıtta qońsısı uslap qalsa, ayıpqa tartıladı. Al kerisinshe, qońsısı uslay almay qalsa, ol ayıpqa tartıladı.

Ayıp túrleri: qosıq aytıp beredi, oyın oynap beredi, yamasa qızıqlı, kúldirgi áńgimeler tauıp aytıp, otırǵanlardıń keulin kóteriui kerek.