J.K.Rowling
| J. K. Rowling | |
|---|---|
 | |
| Ádebiy laqabı | Robert Galbraith |
| Tuwılǵan sánesi | 31-iyul 1965[1] (60 jasta) |
| Dóretiwshilik túri | proza |
| Oqıǵan jeri | Exeter universiteti |
| Dóretiwshilik jılları | 1997-jıldan házirge shekem |
| Baǵdarları | roman |
| Ómirlik joldası | Neil Murray (t. 2001-) Jorge Arantes (t. 1992–1995) |
| Perzentleri | Jessica Arantesbr Mackenzie Murray David Murray |
| Sayt | .jkrowling |
| Qol úlgisi | |
 | |
Joanna Ketlin (Jo)Rouling yaki tanımalı atı menen J. K. Rowling (1965-jıl 31-iyul, Ullı Britaniya) — «Garri Potter» fantastikalıq romanlar seriyasınıń avtorı bolǵan ingliz jazıwshısı. Katlin ózine berilgen at bolmasa da, ájesiniń húrmetine usı at penen atalǵan.
Ómiri
[redaktorlaw | derekti redaktorlaw]Joanne Rowling 1965-jıl 31-iyulda Chipping Sodburry (Angliya) qalasında tuwılǵan. Ol óziniń shańaraǵı menen Bristol qalasına, sońınan Chepstow qalasına kóshedi. Orta mektepti Wyedean comprehensiveda oqıǵanınan keyin Exeter universitetinde francuz tili hám ádebiyatı boyınsha qánigeligin tamamladı hám Londonda jaylasıp, insan huqıqları shólkeminde izertlewshi hám eki tildi biletuǵın xatker sıpatında jumıs basladı. «Garri Potter» seriyasınan tısqarı jáne tórt romanı basıp shıǵarılǵan Rouling óziniń policiya janrındaǵı úsh shıǵarmasın Robert Galbreyt atı menen jazǵan. Onıń dáslepki shıǵarması bolsa 6 jasında jazǵan «Qoyan» atlı gúrrińi edi.
Atın «J.K.Rouling» dep qısqartıwında birinshi kitaptı basıp shıǵarıwshı Bloomsburydiń tásiri bar. Baspası erkek oqıwshılar hayal jazıwshını oqıwdan tartınıwı múmkin dep esaplap, jazıwshınıń atın «J.K.Rouling» túrinde jazıwdı maqul kórgen.
«Garri Potter»
[redaktorlaw | derekti redaktorlaw]Ol óziniń jeti kitaptan ibarat Garri Potter romanları menen ataqlı bolıp tabıladı. Bul jeti dóretpe oǵan 1 milliard dollar payda alıp kelgen. Ol romanlar kompleksiniń birinshi bólegin 1997-jılda baspadan shıǵartırǵan. Bul kitaptıń barlıq bólimleri dúnya boylap júdá ataqlı bolıp esaplanadı. Rouling tiykarǵı jeti bólekli romanlarınan tısqarı sol kitaplarǵa qosımsha formasında taǵı tórt kitap baspa ettirgen. Aqırǵı kitap 2016 -jıl 31-iyulda Garri Potter hám Náletlengen Bala atı menen baspadan shıǵarıldı. Bul kitap teatrlar ushın saqna shıǵarması: dramatik usılda jazılǵan bolıp eki bólekten dúziledi. Shokir Dolimov bir neshe jıldan berli dóretpe bólimlerin jeke túrde awdarma etip, óz blogında oqıwshılarǵa usınıs etip kelip atır. Búgingi kúnge shekem jeti bólim awdarmaları aqırınq jetkezilip, oqıwshılar itibarına tartqan.