Jalpı ishki ónim

Jalpı ishki ónim (ingl. gross domestic product - GDP, rus. валово́й вну́тренний проду́кт - ВВП ) — belgili bir mámleket aymaǵında, ekonomikanıń barlıq tarwalarında (paydalanılǵan islep shıǵarıw faktorlarınıń milliy tiyisliligine qaramastan tutınıw, eksport qılıw hám toplaw maqsetinde) bir jılda islep shıǵarılǵan barlıq juwmaqlawshı ónim hám xızmetlerdiń (yaǵnıy tikkeley tutınıw, paydalanıw yamasa qollanıw ushın mólsherlengen) jámi bazar bahasın sáwlelendiriwshi makroekonomikalıq kórsetkish.

Bul koncepciya birinshi ret 1934-jılda Simon Kuznec tárepinen usınıs etilgen.

Mámleket jalpı ishki ónimi hám milliy valyutada ańlatılıwı múmkin, hám maǵlıwmat ushın zárúrlik payda bolǵanda sırt el valyutasında birja kursı boyınsha qayta esaplap shıǵılıwı, hátteki zat satıp alıw qábiliyeti pariteti (SQP) boyınsha da júrgiziliwi múmkin (xalıqaralıq salıstırıwlardı anıǵıraq etiw ushın).